Պուտին. Չնայած բարդություններին, Հայաստանի եւ Ռուսաստանի միջեւ ապրանքաշրջանառությունն աճել է 10%-ով

28 փետրվարի 2009 - 13:43 AMT

PanARMENIAN.Net - Փետրվարի 27-ին Մոսկվայում կայացել է Հայաստանի եւ Ռուսաստանի վարչապետներ Տիգրան Սարգսյանի եւ Վլադիմիր Պուտինի հանդիպումը: Ինչպես ասվում է ՌԴ կառավարության պաշտոնական կայքէջում տեղակայված հաղորդման մեջ, հանդիպման ընթացքում Վլադիմիր Պուտինը նշել է, որ ՌԴ եւ ՀՀ միջեւ պահպանվում է մշտական հաղորդակցություն: «Ինձ շատ հաճելի է նշել, որ անցյալ տարի մեր ապրանքաշրջանառությունն աճել է 10%-ով եւ գրեթե մեկ միլիարդ 900 մլն է կազմել: 1 մլրդ 800 մլն են կազմում հայկական տնտեսության մեջ կուտակված ռուսական ներդրումները: Այստեղ մենք նույնպես առաջատարներից մեկն ենք»,- ասել է նա:

Զրույցի ընթացքում Վլադիմիր Պուտինն ավելացրել է, որ իրագործվում են նաեւ էներգետիկայի ու տրանսպորտի բավական հաջող նախագծեր:

Հայաստանի վարչապետն իր հերթին հաղորդել է, որ Միջկառավարական հանձնաժողովի համանախագահի հետ լիարժեք համաձայնության են եկել բոլոր հարցերի շուրջ եւ բարձր են գնահատում իրենց գործընկերների կատարած աշխատանքը:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով