Անհետ կորածի հարազատ․ Մեզ քաշքշուկի մեջ են գցում, որ հոգնենք, համակերպվենք, հատուկ թաքցնում են թիվը 8 հունվարի 2021 - 19:36 AMT PanARMENIAN.Net - Պետպաշտոնյաները խաբում են անհետ կորածների հարազատներին, քաշքշուկի մեջ գցում, որ «հոգնեն, համակերպվեն, փոխհատուցում ստանան, լեզուները կարճացնեն», ֆեյսբուքայան իր էջում ուղիղ եթերում հայտարարել է պատերազմից հետո հարազատներին որոնող Արսեն Ղուկասյանը: Նա լրագրողներին ու իրավաբաններին խնդրել է կապ հաստատել իրենց հետ՝ անհետ կորածների ծնողներին օժանդակելու համար։ «Մեզ խաբում են, քաշքշուկի մեջ գցում, որ հոգնենք, համակերպվենք, փոխհատուցում ստանանք, լեզուներս կարճացնենք: Ելքը մեկն է՝ անզիջում և իրավական պայքար բոլոր նրանց դեմ, որոնք խաբել են մեր երեխաներին, դավաճանել և տարել անխուսափելի մահվան: Պատրաստվում ենք քրեական պատասխանատվության ենթարկել զինվորականներին, քննիչներին, իշխանությանը, որոնք կոծկում են այս ամենը: Իշխանությունը միտումնավոր է թաքցնում գերիների, անհետ կորածների թիվը, որպեսզի հետո պատասխանատվություն չկրի ծնողների առաջ: Մեզ խաբում են, պատրանք են ստեղծում, թե աշխատում են: Մենք անուններ ունենք՝ պաշտոններով: Եթե մեր իմացած մարդկանցից որևէ մեկը փորձի պլստալ կամ պլստացնել որևէ մեկին, կպատժվեն նրանք էլ, պլստացնողներն էլ»,- հայտարարել է նա: Արսեն Ղուկասյանը նշել է, որ անհետ կորած զինվորների դիերը գտնելու ծնողների պայքարը հատվածական հաջողություններ է գրանցել միայն ծնողների համառության հաշվին, սակայն իրենց դեմ արդեն ցուցմունքներ կան։ «Մարդու ուղեղում չի տեղավորվում, թե ինչպես կարելի էր պատերազմի ժամանակ զոհվածների ցուցակներ հրապարակել, թշնամու զոհերը ճշգրիտ հաշվել, իսկ հրադադարից հետո թաքցնել անհետ կորածների թիվը, չկարողանալ հաշվել դրանք: Մեզ պետք են նաև անգլերենի և ֆրանսերենի իմացությամբ փաստաբաններ, որոնք այս հարցով կօգնեն դիմել Եվրոպայի խորհուրդ: Ուզում ենք քննարկել նաև ՄԻԵԴ դիմելու հնարավորությունները», - ասել է նա։ Նոյեմբերի 10-ի պատերազմի դադարեցման եռակողմ հայտարարությունից հետո Հայաստանում անհետ կորածների հարազատները պարբերաբար ցույցեր են իրականացնում՝ պահանջելով գտնել իրենց մտերիմներին։ Միևնույն ժամանակ Արցախում շարունակվում են զինծառայողների որոնողական աշխատանքները։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |