Խաժակյան․ Մարությանի որոշմամբ 24 մլն դրամ ուղղվել է «Գազելները» թաղանթապատելուն

Խաժակյան․ Մարությանի որոշմամբ 24 մլն դրամ ուղղվել է «Գազելները» թաղանթապատելուն

PanARMENIAN.Net - «Երևան» հիմնադրամի միջոցներից 24 միլիոն դրամ է հատկացվել «Գազելները» թաղանթապատելու համար։ Այդ մասին ֆեյսբուքյան իր էջում տեղեկացրել է Երևանի ավագանու «Լույս» խմբակցության ղեկավար Դավիթ Խաժակյանը։

«Քանի դեռ դուք քննարկում եք Հայաստանում առկա սոցիալ-տնտեսական խնդիրները, որոնց ծայրն անգամ չի երևում, Երևանի քաղաքապետ Հայկ Մարությանի որոշմամբ «Երևան» հիմնադրամի միջոցներից 24 միլիոն դրամ է հատկացվում «Անահիտ Սուքիասյան» Ա/Ձ-ին 100 «Գազել» «մշակված դիզայնին համապատասխան թաղանթապատելու նպատակով»։ 24 միլիոն դրամ գազելներին «պլյոնկա» փակցնելու համար։ Բառեր չեմ գտնում սա մեկնաբանելու համար», - գրել է Խաժակյանը։

Ավելի վաղ հայտարարվել էր, որ հունվարից մայրաքաղաքում կշահագործվի 40 փոքր ավտոբուս։ Մարությանը հայտարարել էր, որ դրանք հարմարեցված են սայլակներով ներս մտնելուն, ցածր հատակով են։

 Ուշագրավ
Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները
Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար
Ամփոփվել են միասնական քննությունների առաջին փուլի արդյունքները
Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին
---