«Գրիար-Ինշուրանսը» կապահովագրի հայկական դրոշի տակ նավարկող նավերը 3 մարտի 2009 - 12:10 AMT PanARMENIAN.Net - «Գրիար-Ինշուրանս» ապահովագրական ընկերությունը հայց է ներկայացրել Հայաստանի Կենտրոնական բանկին 3 նոր կարգերի համար ապահովագրման արտոնագիր տրամադրելու վերաբերյալ` երաշխիքի տրամադրում, ջրով բեռնափոխադրումների ապահովագրություն եւ ջրով իրականացվող բեռնափոխադրումների օգտագործումից բխող պատասխանատվության ապահովագրում: Այդ մասին PanARMENIAN.Net ի հետ զրույցում հաղորդել է «Գրիար-Ինշուրանս» ՓԲԸ-ի գործադիր տնօրեն Արմեն Պետրոսյանը: «Հավանաբար, շատերի համար անհասկանալի կլինի, թե ընկերությանն ինչի համար պետք կլինի արտոնագիր, եթե Հայաստանը ծով չունի»,-ասել է նա: Զրույցի ընթացքում գործադիր տնօրենը հաղորդել է, որ «Գրիար-Ինշուրանս» ապահովագրական ընկերությունը որոշել է երկու վերջին արտոնագրերի ստացման հայտ ներկայացնել այն բանից հետո, երբ տարբեր սուբյեկտների հետ շատ հանդիպումների եւ բանակցությունների արդյունքում պարզ է դարձել, որ ջրային տրանսպորտի ապահովագրումը, եւ բնականաբար, նավատերերի պատասխանատվության ապահովագրումն արդեն ակտուալ է: «Առաջիկայում խոսակցություններից հարկ կլինի անցնել գործողությունների»,-ասել է Պետրոսյանը: Նրա խոսքերով, չի բացառվում, որ բացի զբոսանքի համար նախատեսված մոտորանավակներից, սքութերներից, փոքր նավակներից, որոնք կան Սեւանում, ընկերությունն առաջիկայում կապահովագրի նաեւ այն նավերը, որոնք կնավարկեն ծովերում հայկական դրոշի տակ: Հաշվի առնելով միջազգային փորձը` Արմեն Պետրոսյանը պարզաբանել է, որ ծով ունեցող շատ երկրներ թույլ չեն տալիս ապահովագրություն չունեցող նավերին մուտք գործել նավահանգիստ: «Իսկ այժմ ակտուալ է դարձել պահանջել, որ ապահովագրության մեջ ընդգրկվի նաեւ «աղտոտման համար պատասխանատվության» ռիսկի պոլիսը»,-ասել է նա: Վերջին տարիներին, նրա խոսքերով, դրան են նպաստել նավթամթերք տեղափոխող տանկերների վթարները: Արդյունքում նավթը ծովն է թափվում,եւ իրավիճակը վթարի գոտում գնահատվում է որպես «բնապահպանական աղետ», հաղորդել է «Գրիար-Ինշուրանս» ՓԲԸ-ի գործադիր տնօրեն Արմեն Պետրոսյանը: Հիշեցնենք, որ ՀՀ Կենտրոնական բանկի նիստում որոշվեց , որ «Գրիար-Ինշուրանս» ապահովագրական ընկերությունը 2009 թվականի փետրվարի 27-ին 3 նոր կարգերի գծով ապահովագրման արտոնագիր ստացավ: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ԻՆԳՈ-ն ապահովագրել է Career Сity Fest 2K24-ը և ներկայանում է շուկայում առաջին՝ միջոցառումների ապահովագրման պրոդուկտով Ապահովագրության պայմաններն ընտրվում են՝ հաշվի առնելով յուրաքանչյուր իրադարձության առանձնահատկությունները Վարչապետ․ ՀԱՊԿ-ն ուզում էր ՀՀ գալ ոչ թե որպես դաշնակից, այլ` խաղաղապահ Նա հավելել է, որ դա էր ՀԱՊԿ-ի հետ հայկական կողմի ամենամեծ խնդիրը Փաշինյան. Ցեղասպանության զոհերի ցուցակագրման օրակարգ իշխանության օրակարգում երբեք չի եղել Նա նշել է, որ այդ մասին ավելի վաղ էլ է հայտարարվել Զաքարյան․ Չեմ ճանաչում երկիր, որը թշնամաբար տրամադրված իր հարևանի հետ անվտանգության երաշխիք համարի սահմանին տնկած սյունը Նա նշել է, որ սա «բոլոր հարցերում խորը կախվածության մեջ գցելու թշնամական գործընթաց է» |