Լիբանանահայը պաշտոն է ստացել Սպիտակ տանը

Լիբանանահայը պաշտոն է ստացել Սպիտակ տանը

PanARMENIAN.Net - ԱՄՆ նորըտիր նախագահ Ջո Բայդենի վարչկազմում Սպիտակ տան տարածաշրջանային կոմունիկացիաների բաժնի պետ է նշանակվել լիբանանահայ Հայկ Հաջինազարյանը։ Այդ մասին ասվում է ԱՄՆ նախագահի և փոխնախագահի կայքերում հրապարակված հաղորդագրության մեջ։

Հաջինազարյանը Բայդենի նախընտրական արշավի մամուլի քարտուղարն էր Արևմտյան Փենսիլվանիայում, իսկ մինչ այդ ապահովում էր տեղեկատվական աջակցությունը մի շարք նահանգներում փրայմերիզի և համընդհանուր ընտրությունների ժամանակ։

Բայդենի ընտրարշավին միանալուց առաջ Հաջինազարյանն աշխատել է Կապիտոլիումում՝ սկզբից որպես Ինդիանայից ընտրված սենատոր Ջո Դոնելի մամուլի քարտուղար, իսկ հետո, որպես Ներկայացուցիչների պալատի Ներքին անվտանգության կոմիտեի մամուլի քարտուղարի տեղակալ։

Հաջինազարյանը ծնվել է ԱՄՆ Օհայո նահանգում, լիբանանահայերի ընտանիքում։ Նա Ինդիանայի համալսարանի և Ջորջ Վաշինգտոնի համալսարանի Քաղաքական կառավարման բարձրագույն դպրոցի շրջանավարտ է։

 Ուշագրավ
Բոստոնի համալսարանում սովորելու հնարավորությունը խոստումնալից երիտասարդը ստորադասեց Հայրենիքի պաշտպանությանը
Նա նշել է, որ ակնկալում էր զեկույցում տեսնել հիշատակումներ հայ ռազմագերիների, պատանդների վերաբերյալ
Արցախի ԱԺ երեք ընդդիմադիր կուսակցությունները մասնակցելու են հանրահավաքին