Հայաստան բենզին ներմուծող «Սերգեյ Գրուպ»-ն անորոշ ժամանակով կդադարեցնի վառելիքի ներկրումը 3 մարտի 2009 - 14:51 AMT PanARMENIAN.Net - Հայաստանում դոլարի փոխարժեքի կտրուկ աճը, անկասկած, կանդրադառնա հայ սպառողի վրա: Այդ մասին PanARMENIAN.Net -ի թղթակցին հայտարարել է բենզին եւ դիզելային վառելիք ներմուծող «Սերգեյ Գրուպ» ընկերության նախագահ Սերգեյ Բագրատյանը: «Եթե փոխարժեքը պահպանվի մեկ դոլարի դիմաց 380-400 դրամի սահմաններում, ապա դրան կհետեւի նաեւ վառելիքի գների համապատասխան բարձրացումը: Այդպիսի պայմաններում, մեր հաճախորդներին չկորցնելու նպատակով, մենք կաշխատենք նրանց հետ խորհրդակցություններ անցկացնել եւ գների վերաբերյալ որոշակի համաձայնության գալ», - նշել է Սերգեյ Բագրատյանը: Նա վստահություն է հայտնել, որ միջազգային շուկաներում կաճեն վառելիքի գները: Ելնելով դրանից, «Սերգեյ Գրուպ» ՍՊԸ-ն անորոշ ժամանակով կդադարեցնի Հայաստան վառելիքի ներմուծումը: «Այժմ ընկերությունը հետեւում է շուկաներում հնարավոր փոփոխություններին: Իհարկե, մենք ճկունություն կցուցաբերենք մեր գործընկերների եւ հաճախորդների հետ հարաբերություններում, սակայն շատ բան կախված է նրանից, կաճի արդյոք դոլարի փոխարժեքը հանրապետությունում, թե` ոչ», - ընդգծել է Սերգեյ Բագրատյանը:Մի քանի ժամվա ընթացքում Հայաստանում դոլարի փոխարժեքը բարձրացել է միչեւ 360 դրամ մեկ դոլարի դիմաց, եվրոյի փոխարժեքը հասել է 440 դրամ մեկ եվրոյի դիմաց: Դեռեւս երեկ դոլարի փոխարժեքը փոխանակման կետերում կազմում էր 305-310 դրամ մեկ դոլարի դիամց, եվրոյի փոխարժեքը` 387 դրամ: Դրամի նկատմամբ արտարժույթի փոխարժեքի այդքան կտրուկ աճի հիմնական պատճառը դարձել է երկրի Կենտրոնական բանկի ղեկավար Արթուր Ջավադյանի հայտարարությունը, համաձայն որի, Հայաստանի ԿԲ-ն արտարժույթի բորսայում իր միջամտության սահմանափակման եւ լողացող փոխարժեքի քաղաքականությանը վերադառնալու որոշում է կայացրել: Դրա հետ մեկտեղ, ԿԲ գնահատմամբ, 2009 թվականին դոլարի միջին փոխարժեքը նախատեսվում է 360-380 դրամ մակարդակով: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Բագրատ սրբազան․ ԽՍՀՄ ժամանակ էլ ճնշումներ եղան՝ եկեղեցուն ոչինչ չեղավ, բայց Սովետը չկա ու չի էլ լինելու Նա ասել է, որ Ամենայն Հայոց կաթողիկոսն օրհնել է շարժումը ոչ թե՝ առաջնորդել |