Դինքի հիշատակին Ստամբուլի քաղաքապետը Թուզլայի հայկական որբանոցը կվերածի երիտկենտրոնի

Դինքի հիշատակին Ստամբուլի քաղաքապետը Թուզլայի հայկական որբանոցը կվերածի երիտկենտրոնի

PanARMENIAN.Net - Թուրքիայի գլխավոր ընդդիմադիր ուժ համարվող «Ժողովրդահանրապետական» կուսակցության (ԺՀԿ) անդամ, Ստամբուլի քաղաքապետ Էքրեմ Իմամօղլուն հայտնել է, որ Թուզլայի հայկական որբանոցը, որտեղ անցել է «Ակօս» թերթի հիմնադիր-խմբագրապետ Հրանտ Դինքի մանկությունը, կվերածվի «Քամփ Արմեն» ճամբարի երիտասարդական կենտրոնի, փոխանցում է Ermenihaber.am-ը։

Նա նշել է, որ այդ որոշումը միաձայն ընդունվել է Ստամբուլի ավագանու նիստում, այժմ սկսվել են ճամբարի վերականգնման ճարտարապետական նախագծի աշխատանքները։

«Քամփ Արմեն» հայկական ճամբարը Ստամբուլի Թուզլա շրջանում գտնվող լքյալ ու կիսաքանդ շինություն է: 8.552 քմ տարածք զբաղեցնող «Քամփ Արմենը» 1961-ին գնվել է Հայ բողոքական եկեղեցու հիմնադրամի կողմից և ծառայել է որպես ամառային ճամբար` հայկական դպրոցի չքավոր ու որբ սաների համար: Այնտեղ են մեծացել Հրանտ Դինքը և նրա կինը՝ Ռաքել Դինքը: Հետագայում ճամբարը թուրքական իշխանությունների կողմից ապօրինաբար խլվել է հայ համայնքից:

 Ուշագրավ
Հարությունյանը հարցաքննվելու է Սահմանադրական կարգը տապալելու հոդվածով հարուցված քրգործի շրջանակում
Ըստ նրա՝ կարճ ժամանակում քաղաքական, ռազմական, սոցիալական, տնտեսական դժվարությունները հաղթահարվելու են