ԱԳ նախարարը ֆրանսիացի գործընկերոջ հետ քննարկել է ԵԱՀԿ ՄԽ շրջանակում խաղաղ գործընթացի վերսկսումը

ԱԳ նախարարը ֆրանսիացի գործընկերոջ հետ քննարկել է ԵԱՀԿ ՄԽ շրջանակում խաղաղ գործընթացի վերսկսումը

PanARMENIAN.Net - Արտգործնախարար Արա Այվազյանը ֆրանսիացի իր պաշտոնակից Ժան-Իվ Լը Դրիանի հետ հեռախոսազրույցի ընթացքում ուշադրություն է հրավիրել հումանիտար հարցերի լիարժեք հասցեագրման վրա՝ մասնավորապես՝ ռազմագերիների և պատանդի կարգավիճակում հայտնված քաղաքացիական անձանց հայրենադարձման մասով:

Արտաքին գործերի նախարարությունից հայտնում են, որ հեռախոսազրույցի ընթացքում անդրադարձ է կատարվել ԵԱՀԿ Մինսկի խմբի համանախագահության շրջանակում խաղաղ գործընթացի վերսկսմանը և այդ առնչությամբ համանախագահների առաջիկա ժամանակացույցին:

«Նախարարներ Այվազյանի և Լը Դրիանի զրույցի առանցքային թեմաներից էին նաև Արցախի՝ ադրբեջանական վերահսկողության ներքո հայտնված տարածքներում պատմամշակութային և կրոնական ժառանգության պահպանման ուղղությամբ քայլերը և այդ գործընթացում միջազգային մասնագիտացված կառույցների դերը»,-ասվում է հայտարարության մեջ։

Մինսկի խումբը գլխավորում է ԼՂ հարցի խաղաղ կարգավորման գործընթացը։ Մինսկի խումբը համանախագահում են ԱՄՆ-ն, Ֆրանսիան, ՌԴ-ն։

 Ուշագրավ
Անդրադարձ է լինելու նաև եռակողմ հայտարարության դրույթների կատարմանը
Նախարարը նաև նշել է, թե քննադատության հիմնկան պատճառն այն է, որ վեթինգ չի կատարվել
Նախարարը նշել է, թե չի կարծում, որ Թուրքիան երբեք չի փոխի հայատյացության իր կեցվածքը