Նախարարը ԵՄ դեսպանին է ներկայացրել շրջակա միջավայրի առաջնային լուծում պահանջող թոփ 3 հիմնախնդիրը

Նախարարը ԵՄ դեսպանին է ներկայացրել շրջակա միջավայրի առաջնային լուծում պահանջող թոփ 3 հիմնախնդիրը

PanARMENIAN.Net - ՀՀ շրջակա միջավայրի նախարար Ռոմանոս Պետրոսյանը Հայաստանում Եվրոպական Միության պատվիրակության ղեկավար, դեսպան Անդրեա Վիկտորինիի պատվիրակությանն է ներկայացրել ոլորտում առաջնային լուծում պահանջող թոփ 3 հիմնախնդիրը․ Սևանա լճի էկոհամակարգի վերականգնում, անտառածածկ տարածքների, անտառների և բնության հատուկ պահպանվող տարածքների համակարգային կառավարում, պաշտպանություն ու պահպանություն և բնության հատուկ պահպանվող տարածքներում բիզնես-միջավայրի ու շրջակա միջավայրի բալանսավորված հարաբերությունների ճիշտ մոդելի կառուցում։

Նախարարը կարևորել է միջազգային գործընկերների, եվրոպական երկրների, մասնավորապես` ԵՄ անդամ երկրների հետ սերտ համագործակցությունը։

«Անդրադարձա 44-օրյա պատերազմին, որը հանգեցրել է ոչ միայն մարդկային, հումանիտար կորուստների, այլև առաջ է բերել լուրջ բնապահպանական հիմնախնդիրներ և որոշակի փոփոխությունների ենթարկել շրջակա միջավայրի ոլորտում նախանշած առաջնահերթությունները»,- հայտարարել է Պետրոսյանը։

Դեսպանը շեշտել է ԵՄ պատրաստակամությունը` աջակցելու ՀՀ կառավարությանն իր առաջնահերությունների արդյունավետ իրականացման գործում։

Ավելի վաղ ՇՄ նախարարը նամակով դիմել էր միջազգային կառույցների ղեկավարներին՝ ուշադրություն հրավիրելով Ադրբեջանի կողմից Արցախի անտառների վրա ֆոսֆոր լցնելու, դրանով շրջակա միջավայրին հասցված վնասներին։

 Ուշագրավ
Նրա նկատմամբ որպես խափանման միջոց է ընտրվել ստորագրությունը չհեռանալու մասին
Նախագիծը հավանության է արժանացել չզեկուցվող հարցերի փաթեթով
Կորոնավիրուսով ավելի վաղ վարակվել էին նաև երկրորդ ու երրորդ նախագահներ Ռոբերտ Քոչարյանն ու Սերժ Սարգսյանը
Ըստ նրա՝ Հիմնադրամը պետք է ղեկավարվի ոչ թե հասարակական հիմունքներով աշխատող տնօրեն, այլ լրիվ դրույքով աշխատող