Դեպի ՌԴ ավիատոմսերի գներն աճել են. Ըստ «Արմենիայի» փոխտնօրենի պատճառը մեծ պահանջարկն է 1 փետրվարի 2021 - 13:04 AMT PanARMENIAN.Net - Հայաստանից դեպի Ռուսաստանի տարբեր քաղաքներ ավիատոմսերի գները զգալի աճել են, խոսքը ոչ միայն ռուսական ավիաընկերությունների չվերթերի, այլև՝ հայկական ավիափոխադրողի մասին է, հայտարարել է «Արմենիա» ավիաընկերության տնօրենի տեղակալ Գևորգ Խաչատրյանը, փոխանցում է Sputnik Armenia-ն։ Ըստ Խաչատրյանի՝ գների մի քանի անգամ բարձրացումը բացատրվում է տոմսերի մեծ պահանջարկով, և արհեստական թանկացում չկա։ Փետրվարի 1-ից մինչև մարտի 1-ը գործելու է պիլոտային ծրագիր, որով Հայաստանից Ռուսաստան և հակառակ ուղղությամբ ճամփորդելու համար ուղևորին թույլատրվում է պետական սահմանը հատել կորոնավիրուսի թեստի բացասական արդյունքի առկայության դեպքում (առավելագույնը 72 ժամ վաղեմության)։ Այդ նպատակով գործարկվել է «Ճամփորդի՛ր առանց Covid-19» հավելվածը։ «Այն աճը, որ դուք տեսնում եք, պայմանավորված է մեծ պահանջարկով։ Էժան տոմսերն ակնթարթորեն գնել են, մնացել են բացառապես թանկ տոմսերը, օրինակ՝ բիզնես դասի։ Նման իրավիճակ միայն մեզ մոտ չէ, որոշ ավիաընկերությունների օդանավերում այլևս տեղ էլ չկա»,- ասել է Խաչատրյանը։ Նրա խոսքով՝ եթե մինչև այսօր օդանավերի ծանրաբեռնվածությունը մոտ 60% էր, այս պահին այն աճել է մինչև 100 տոկոս: Փետրվարի 1-ի չվերթի համար ավիաընկերության բոլոր տոմսերը վաճառվել են, դրամարկղում կարելի է գնել բիզնես դասի երկկողմանի տոմս 300,000 դրամից բարձր արժեքով։ Փետրվարի 2-ից սկսած՝ վաճառված են էկոնոմ դասի տոմսերը, իսկ արդեն բիզնես դասի համար միակողմանի ավիատոմսի գինը 171,000 դրամից ավելի է: Արդեն մարտի 3-ի համար Երևան-Մոսկվա միակողմանի տոմս կարելի է ձեռք բերել մոտ 78,000 դրամով։ Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ալիև․ Սահմանազատումը մեր պայմաններով անցկացնելը մեր հերթական հաղթանակն է՝ 4 գյուղ ենք ստանում առանց մի կրակոցի Նա այդ մասին ասել է օկուպացված Շուշիում Սամվել Բաբայան․ Փաշինյանը վաղուց պետք է հրաժարական տար Բաբայանի խոսքով՝ գլոբալ, ռազմավարական պետք է որոշվի՝ ինչ ենք անում, որն է մեր նպատակը Համաշխարհային բանկը կաջակցի ՀՀ անտառների, ջրաճահճային տարածքների ու լանդշաֆտների վերականգնմանը Ծրագրի նպատակն է ընդլայնել կայուն կառավարման ներքո գտնվող տարածքները ՀՀ-ն ու Իսպանիան կգործակցեն սպորտի ոլորտում․ Հուշագիր է ստորագրվել Կողմերը կհամագործակցեն նաև մասնագետների, տեխնիկական անձնակազմի և փորձագետների փոխանակման շրջանակում |