Լեզվի կոմիտե․ Ասեք` սահմանագծում և սահմանազատում՝ դեմարկացիայի և դելիմիտացիայի փոխարեն

PanARMENIAN.Net - Լեզվի կոմիտեն խորհուրդ է տալիս հրաժարվել օտարաբանությունների անհարկի կիրառումից, երբ դրանց համարժեքները կան ու գործածելի են հայերեն գրավոր և բանավոր խոսքում։

Նշվում է, որ ուրիշ մշակույթների ու ժողովուրդների հետ շփումները, հաղորդակցությունը նպաստում են օտար բառերի թափանցմանը, որ բնական ընթացք է։ Լեզվի կոմիտեն հորդորում է նախապատվությունը տալ հայերեն բառերին՝ ներկայացնելով օտար բառերի հայերեն համարժեքները։

1. անոմալիա – շեղում, անկանոնություն

2. ավանտյուրա – արկածախնդրություն, բախտախնդրություն

3. արգումենտացիա – փաստարկում

4. բանալ – տափակ, անհամ

5. բյուլետեն – հիվանդաթերթիկ (անաշխատունակության թերթիկ), քվեաթերթիկ, տեղեկագիր, տեղեկագրքույկ

6. գուրման – նրբաքիմք, համադամասեր

7. դելիկատես – նրբախորտիկ

8. դեմարկացիա – սահմանագծում

9. դելիմիտացիա - սահմանազատում

10. էլեկտորատ – ընտրազանգված

11. ինֆանտիլ – մանկամիտ, տհաս, թերզարգացած

12. իրոնիա – հեգնանք

13. լեվլ – մակարդակ, աստիճան

14. կոնցեպտ – հասկացություն

15. կոնֆիսկացիա – բռնագրավում, առգրավում

16. մագիա – մոգություն

17. մատրիարխատ – մայրիշխանություն

18. պատրիարխատ – հայրիշխանություն

19. պրեստիժ – հարգ, հեղինակություն

20. ռեգուլյար – կանոնավոր, կարգավորված, համաչափ

21. ռետրոսպեկտիվ – հետահայաց

22. ռեցիդիվիստ – կրկնահանցագործ

23. սկրեպ – ամրակ

24. օկուպացիա – զավթում, գրավում

25. ֆրեսկա – որմնանկար