«Արաբկիր» բուժկենտրոնի պետական բաժնեմասը կմասնավորեցվի։ Կառավարությունը հաստատել է «Արաբկիր բժշկական համալիր-երեխաների և դեռահասների առողջության ինստիտուտ» ՍՊԸ-ի՝ պետությանը պատկանող 5.6% բաժնեմասը վաճառքի հանելու հարցը՝ գնահատվելով այն 574,356,900 դրամ։

Հարցը չզեկուցվողների թվում էր։ «Արաբկիր» ԲԿ-ի ոչ պետական բաժնեմասի սեփականատերը ԱԺ նախկին նախագահ Արա Բաբլոյանն է:

Ոչ պետական բաժնեմասի սեփականատերերը պատրաստ են գնել պետականը 283,769,000 դրամով` գումարի կեսը վճարելով գործարքի սկզբում, մնացածը՝ 3 տարում։

Եթե ընկերության ոչ պետական բաժնի սեփականատերերը չօգտվեն իրենց նախապատվության իրավունքից, կանցկացվի աճուրդ՝ մեկնարկային 574,356,900 դրամ արժեքով:

«Արաբկիր բժշկական համալիր-երեխաների և դեռահասների առողջության ինստիտուտ» ՍՊԸ-ն 2017-ին ներառված էր պետական գույքի մասնավորեցման ցանկում։