Պողոսյան․ Արցախում զինվորները 2 տարուց քիչ կծառայեն, պրոֆեսիոնալ բանակ կլինի

Պողոսյան․ Արցախում զինվորները 2 տարուց քիչ կծառայեն, պրոֆեսիոնալ բանակ կլինի

PanARMENIAN.Net - Պաշտպանության բանակում զինվորները, ըստ նախնական տվյալների, սկսելու են ծառայել 2 տարուց պակաս, բանակը վերակազմակերպվելու է պրոֆեսիոնալ հիմնունքներով, հայտարարել է Արցախի նախագահի մամուլի խոսնակ Վահրամ Պողոսյանը, փոխանցում է 24News-ը։

Նրա խոսքով՝ բանակը ոչ թե կազմալուծվում, այլ վերակազմավորվում է։

«Պաշտպանության բանակը չի կազմաքանդվելու, այլ վերակազմավորվելու է։ Կվերանայվեն նաև ժամկետային զինծառայողների ծառայության ժամկետները՝ երկու տարուց քիչ կլինի։ Որքան կսահմանվի զինվորական ծառայության նոր ժամկետը՝ չեմ կարող ասել, դեռ քննարկման փուլում են։ Իշխանությունները քննարկում են նաև զորքի թվաքանակի վերաբերյալ հարցեր։ Նրանք են որոշելու, թե քանի զինվորական է ծառայելու և ինչպիսի սպառազինություն, ռազմամթերք է ունենալու մեր բանակը»,- ասել է նա։

Ավելի վաղ մամուլում տեղեկություններ էին շրջանառվում, թե ադրբեջանական կողմի պահանջով առաջիկայում կազմալուծվելու է Արցախի Պաշտպանության բանակը, իսկ բնագծերի անվտանգությունը ապահովելու են ռուս խաղաղապահներն ու Արցախի՝ նոր կազմավորված ներքին գործերի նախարարության աշխատակիցները։ Փետրվարի 4-ին Արցախի անվտանգության խորհրդի քարտուղար Վիտալի Բալասանյանը ևս հերքել էր ՊԲ կազմալուծման մասին լուրերը։

 Ուշագրավ
«Ադրբեջանն ու անձամբ Ալիևն ամեն ինչ անում են հայերին նվաստացնելու և հայատյացությունը խորացնելու համար»,-գրել է նա
«Այդ «եռյակը» ունի փորձ և զգալի արտաքին աջակցություն»,-ասել է նա
Փրկարարական մեկ ջոկատով որոնողափրկարարական աշխատանքներն ապրիլի 10-ին շարունակվում են Հադրութի շրջանում