Նախարար․ ԲՏԱ ոլորտ դիմեք՝ մաքուր աշխատավարձը միջինում մոտ 600,000 դրամ է 9 փետրվարի 2021 - 13:32 AMT PanARMENIAN.Net - Բարձր տեխնոլոգիական արդյունաբերության նախարար Հակոբ Արշակյանը, հեռանկարային որակելով իր գլխավորած ոլորտը, նշել է, որ մաքուր աշխատավարձը ոլորտում միջինը մոտ 600,000 է։ Նախարարը նշել է, որ 2019-ին ոլորտում մաքուր աշխատավարձը եղել է մոտ 543,000 դրամ, 2020-ին՝ գերազանցում էր 580,000-ը։ Նա կոչ է արել հատկապես դպրոցականներին, որոնք լավ արդյունքներ ունեն ֆիզիկայի և մաթեմատիկայի բնագառավում, դիմել ԲՏԱ ոլորտ, քանի որ ՀՀ-ում այն ակտիվ զարգանում է, տեղեկացնում է Factor.am-ը։ Խոսելով Ինժեներական քաղաքի մասին՝ Արշակյանը տեղեկացրել է, որ 7 ընկերություն հայտ է ներկայացրել այնտեղ գործունեություն ծավալելու համար։ Նա հավելել է, որ Ինժեներեկան քաղաքը Բագրևանդում կառուցվող ենթակառուցվածք է, որտեղ գործելու են ԲՏԱ, սարքաշինական, էլեկտրոնային սարքավորումների, ռազմարդյունաբերական ընկերություններ։ Դրանք կկարողանան օգտվել ընդհանուր գիտահետազոտական հնարավորություններից, թանկարժեք սարքավորումներով լաբորատորիաներից, մետաղամշակման բարձորակ հնարավորություններց։ Արշակյանը նշել է, որ ընկերությունները կարող են հողակտորներ ձեռք բերել և շինարարական աշխատանքներ իրականացնել՝ նշելով, որ կան սահմանափակումներ, բայց հողակտորներ տրամադրվում են նաև նվիրատվության միջոցով։ Նա ասել է, որ 2021-ին կմեկնարկեն շինարարական աշխատանքները։ Նախարարը հիշեցրել է, որ Ինժեներական քաղաքում 2020-ի փետրվարին հիմնվել է Պոլիտեխնիկական ինստիտուտի էլեկտրոնային սարքերի և չափիչ համակարգերի ամբիոնը, որը կրթական նոր ծրագրեր է իրականացնելու և նոր դասախոսական կազմ է ներգրավելու։ Ավելի վաղ վարչապետ Նիկոլ Փաշինյանը հայտարարել էր, որ Հայաստանում տեղեկատվական տեխնոլոգիաների ոլորտի ընկերությունների շրջանառությունը 2020-ին աճել է 20%-ով` կազմելով $400 մլնի-ից ավելի։ Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Ալիև․ Հայաստանը պետք է փոխի Սահմանադրությունը, հրաժարվի Արարատ լեռը որպես խորհրդանիշ օգտագործելուց Ալիևը նաև ասել է, թե «հայերը լուրջ հոգեբանական շեղումներ ունեն» և «զառանցագին գաղափարներ» Ալիև․ Ձեռքերս ծալած չենք սպասելու, մինչև Ֆրանսիան, Հնդկաստանն ու Հունաստանը զինեն ՀՀ–ին «Դրանով փորձում են մեզ ինչ–որ բան ապացուցել»,–ասել է նա Ռուբեն Վարդանյանի ընկերներն ու գործընկերներն ապրիլի 24-ին երթ են նախաձեռնել Վարդանյանը հացադուլ է հայտարարել Բաքվի բանտում Վենետիկում անցկացվող 60-րդ միջազգային բիենալեի օրերին բացվել է AKNEYE ֆիջիթալ սփեյսը Ներկաները վայելել են միջոցառումը, ծանոթացել NFT-ների յուրօրինակ աշխարհին և ձեռք բերել նոր ծանոթություններ |