Արշակյան․ 3342 աշխատատեղ ստեղծած 192 նոր ընկերություն 2020-ին ստացել է հարկային արտոնություն

Արշակյան․ 3342 աշխատատեղ ստեղծած 192 նոր ընկերություն 2020-ին ստացել է հարկային արտոնություն

PanARMENIAN.Net - 2020-ի ընթացքում 192 նորաստեղծ ընկերություն ստացել է հարկային արտոնության հավաստագրեր, ֆեյսբուքյան իր էջում հայտնել է բարձր տեխնոլոգիական արդյունաբերության նախարար Հակոբ Արշակյանը:

Նրա խոսքով՝ 192 ընկերության գործունեության արդյունքում 770 նոր աշխատատեղ է ստեղծվել։

«Ընդանուր առմամբ՝ 2020-ին ոլորտում ստեղծվել է 3342 նոր աշխատատեղ, աճը 2019-ի համեմատ կազմել է 22%։ Օրենքի համաձայն՝ տեխնոլոգիական ոլորտի նոր ստեղծվող ընկերություններին տրամադրվում են հարկային արտոնություններ շահութահարկի 0% և եկամտահարկի 10% դրույքաչափով»,- գրել է Արշակյանը։

Ավելի վաղ Պետական եկամուտների կոմիտեից հայտնել էին, որ պատերազմի օրերին Հայաստանին օժանդակած անհատներն ու կազմակերպություններն օգտվելու են մի շարք հարկային արտոնություններից։ Խոսքը Եվրասիական տնտեսական միությունից կատարված ներկրումների մասին է: Երրորդ երկրներից ներմուծումների պարագայում արդեն վաղուց հարկային արտոնություն է գործում՝ հրաժարում հօգուտ պետությանն ընթացակարգի դեպքում:

 Ուշագրավ
Ընկերության համահիմնադիր Դավիթ Բաղդասարյանի խոսքով՝ ներդրման ընդհանուր չափը $17․5 մլն է
Խոսելով Ինժեներական քաղաքի մասին՝ Արշակյանը տեղեկացրել է, որ 7 ընկերություն հայտ է ներկայացրել
Krisp-ը 1 տարվա ընթացքում 0-ից 600 կորպորատիվ բաժանորդ է ձեռք բերել
«Չհամաձայնվելու դեպքում հստակ հայտնել են, որ ինձ մեղադրելու են առանձնապես ծանր հանցագործության մեջ և կալանավորելու»,- ասվում է հայտարարության մեջ