Միլիարդատեր, Microsoft-ի հիմնադիր Բիլ Գեյթսը կարծում է, որ կորոնավիրուսի նոր շտամերով պայմանավորված կարող է պատվաստման 3-րդ դեղաչափի կարիք առաջանալ։

«Այժմ քննարկում է գնում, թե հարկավոր է արդյոք կիրառվող պատվաստանյութի պայմանների մեծ շրջանակի ընդգրկման հասնել, թե հարկավոր է նույնպիսի 3-րդ դեղաչափ, կամ մոդիֆիկացված պատվաստանյութ»,-ասել է Գեյթսը CBS News հեռուստաալիքին, գրում է ՌԻԱ Նովոստին։

«Այն մարդկանց, որոնք արդեն պատվաստանյութի 2 դեղաչափ են ստացել, կարող է 3-րդը պահանջվել։ Կարծում եմ, շատ հավանական է, որ ունենանք կատարելագործված պատվաստանյութ, միանգամայն վստահ լինելու համար, որ երբ այդ շտամերը հասնեն ԱՄՆ, պատվաստանյութերը կպաշտպանեն»,-ասել է նա։

ԱՄՆ-ում սկսվել է կորոնավիրուսի դեմ բնակչության զանգվածային պատվաստումը, որը դեռևս ձգձգվում է։ Բայդենի վարչակազմը մտադիր է ապահովել 100 մլն դեղաչափի պատվաստում առաջին 100 օրում՝ այսինքն, մինչև ապրիլի ավարտը։ ԱՄՆ-ում հավանություն ստացած բոլոր պատվաստանյութերը (Moderna և Pfizer/BioNTech) 2 դեղաչափ են պահանջում։

Բիլ Գեյթսի անունը հաճախ են կապում կորոնավիրուսի ծագման, պատվաստանյութերի ստեղծման, «չիպավորման» և դավադրության այլ տեսությունների հետ։ Microsoft-ի հիմնադիրը պատվաստանյութերի, թեստավորման և բուժման ոլորտներում փորձագետ է։ Գեյթսն ու կինը՝ Մելինդան, ֆոնդ են հիմնադրել, որի միջոցով նրանք փորձում են պայքարել մալարիայի, ՄԻԱՎ-ի, պոլիմելիտի դեմ։