Ադրբեջանագետ Էլիբեգովան սուտ մատնության համար կդիմի ԱԱԾ

Ադրբեջանագետ Էլիբեգովան սուտ մատնության համար կդիմի ԱԱԾ

PanARMENIAN.Net - Հայտնի ադրբեջանագետ Անժելա Էլիբեգովան հանցագործության մասին հաղորդում կներկայացնի ԱԱԾ սուտ մատնության համար։ Այդ մասին նա տեղեկացրել է ֆեյսբուքյան իր էջում։

Սոցցանցերում գրառումներ հայտնվեցին, թե, իբր, Էլիբեգովան Արցախյան պատերազմում Ադրբեջանի ռազմական հանցագործությունների վերաբերյալ իր զեկույցը, որը պետք է ՄԻՊ-ին հանձնվեր, գումարի դիմաց փոխանցել է Ադրբեջանին։ Ի պատասխան Էլիբեգովան գրել էր․ «Ֆեյք ջեբս գցելը հերիք չէր, հիմա էլ ադրբեջանական շպիոն սարքեցի՞ք»։

Էլիբեգովան գրել էր, որ սկզբում որոշել էր լուրջ չվերաբերվել «այդ հիմարությանը, բայց արդեն չափերն անցնում են»:

«Փաշինյանական «Հեղափոխության պահապաններ» խմբակից ոմն Վահե Խանդիլյան և իշխանական ֆեյքերը զրպարտություն ու քրեական օրենսգրքով նախատեսված հանցագործության հատկանիշներ պարունակող նյութեր են տարածում ինչպես իմ, այնպես էլ Արա Սաղաթելյանի հասցեին: Եվ սա անհետևանք չի մնալու։

Առաջիկա օրերին ֆեյսբուքյան այս գրառումների կապակցությամբ սուտ մատնություն կատարելու փաստի հիմքով (ՀՀ քրեական օրենսգրքի 333-րդ հոդված) հանցագործության մասին հաղորդում կներկայացնեմ ՀՀ ազգային անվտանգության ծառայություն»,- ասվում է գրառման մեջ։

Ավելի վաղ ադրբեջանագետ Անժելա Էլիբեգովան բերման էր ենթարկվել ԱԱԾ քննչական դեպարտամենտ և 1 ժամ անց ազատ արձակվել։ Էլիբեգովան հայտնել էր, որ պարալիզացված է իր աշխատանքը Ադրբեջանի հայատյացությունով պայմանավորված պատերազմական հանցագործությունների վերաբերյալ, որը գտնվում էր առգրավված համակարգչում։

 Ուշագրավ
Կորոնավիրուսով ավելի վաղ վարակվել էին նաև երկրորդ ու երրորդ նախագահներ Ռոբերտ Քոչարյանն ու Սերժ Սարգսյանը
Ըստ նրա՝ Հիմնադրամը պետք է ղեկավարվի ոչ թե հասարակական հիմունքներով աշխատող տնօրեն, այլ լրիվ դրույքով աշխատող
Կառավարությունը հավանություն է տվել ԿԳՄՍՆ նախագծին
Մինչ այժմ Հայաստանում համավարակի դեմ պայքարին ԱՄՆ ՄԶԳ տրամադրած ընդհանուր ֆինանսավորումը դառնում է $11 մլն-ից ավելի