«Սասնա ծռերից» Բիլյանը մեղավոր չի ճանաչվել ոստիկանի սպանության համար
«Սասնա ծռեր» խմբի անդամ Արմեն Բիլյանը մեղավոր չի ճանաչվել ոստիկանի սպանության համար, փոխանցում է Factor-ը։
Ընդհանուր իրավասության դատարանը` դատավոր Մեսրոպ Մակյանի նախագահությամբ հրապարակել է «Սասնա ծռերի» գործով դատավճիռը։
2016 թվականին պարեկապահակային ծառայության գունդը գրաված «Սասնա ծռեր» խմբի անդամներ Պավլիկ Մանուկյանն ու Վարուժան Ավետիսյանը դատապարտվել են 7 տարվա, Սմբատ Բարսեղյանը՝ 25 տարվա ազատազրկման։
Ավելի վաղ Մանուկյանը «Սասնա ծռերի» գործով դատական նիստին հայտարարել էր, որ ՊՊԾ գնդի գրավման օրերին ոստիկանի ուղղությամբ կրակել է ոչ թե Բիլյանը, այլ Էդվարդ Գրիգորյանը։ Բիլյանին մեղադրանք է առաջադրվել ՊՊԾ գնդում վիրավորված, ապա հիվանդանոցում մահացած ոստիկան Գագիկ Մկրտչյանի սպանության համար:
