2008 թվականին «Էյչ-էս-Բի-Սի Բանկ Հայաստան» ՓԲԸ-ի շահույթը կազմել է 5 մլրդ դրամ

7 մարտի 2009 - 17:57 AMT

PanARMENIAN.Net - «2008 թվականին «Էյչ-էս-Բի-Սի Բանկ Հայաստան» ՓԲԸ-ի շահույթը մինչ հարկադրումը կազմել է 5 մլրդ դրամ, ինչը 17 տոկոսով ավել է 2007 թվականի շահույթից»,-հաղորդել է «Էյչ-էս-Բի-Սի Բանկ Հայաստան» ՓԲԸ-ի գլխավոր տնօրեն Թիմ Սլեյթերը շաբաթ օրը կայացած մամլո ասուլիսում: Նրա խոսքերով, վարկային ներդրումները աճել են 40 տոկոսով եւ կազմել են 74 մլրդ դրամ: «Բանկը իր բաժնետերերից 100 մլն դոլարի վարկային գիծ է ստացել, սակայն այդ միջոցները ծախսելու անհրաժեշտություն բանկը դեռեւս չի ունեցել»,-ասել է Թիմ Սլեյթերը: 2008 թվականի դեկտեմբերի 31-ին բանկի աշխատակիցների ընդհանուր թիվը կազմել է 412 հոգի, ինչը 21,5 տոկոսով ավելին է քան անցյալ տարի: Բացի այդ, 2008 թվականի ընթացքում «Էյչ-էս-Բի-Սի Բանկ Հայաստան» ՓԲԸ-ն եւս 2 բաժնմունք է բացել Երեւանում: Այսօրվա դրությամբ բանկը 10 բաժանմունք ունի Երեւանում եւ 43 բանկոմատ: 2008 թվականի դեկտեմբերի 31-ի դրությամբ բանկը սպասարկում է 54 257 ֆիզիկական եւ 4 374 իրավաբանական անձանց:

2008 թվականի դեկտեմբերի 31-ի դրությամբ բանկի ընդհանուր կապիտալը կազմում է 14 248 573 դրամ, ակտիվները` 121 019 065 դրամ, պարտավորությունները` 107 019 065 դրամ:

Մամլո ասուլիսի ընթացքում Թիմ Սլեյթերը ներկայացրել է նաեւ «Էյչ-էս-Բի-Սի» խմբի նվաճումները, որը սպասարկում է իր հաճախորդներին աշխարհի 85 երկրներում իր 9500 բաժանմունքների միջոցով: «Էյչ-էս-Բի-Սի» խմբի շահույթը 2008 թվականին մինչ հարկադրումը կազմել է 19,9 մլրդ դրամ»,-ասել է նա: Ըստ Թ.Սլեյթերի, «Էյչ-էս-Բի-Սի» խումբը 2008 թվականին ամենաեկամտաբեր բանկն էր աշխարհում, ինչին, առաջին հերթին, նպաստել է այն, որ «Էյչ-էս-Բի-Սի» խումբն ամենակայուն բանկն է, ինչպես նաեւ բիզնեսի դիվերսիֆիկացիան աշխարհի 85 երկրներում:

«Էյչ-էս-Բի-Սի» խումբը, որի ակտիվները 2008 թվականի դեկտեմբերի 31-ի դրությամբ կազմել են 2,527 մլրդ դոլար, առաջատար դիրք է զբաղեցնում բանկային եւ ֆինանսական հատվածներում ծառայությունների տրամադրման առումով: Գործադիր տնօրենի խոսքերով, «Էյչ-էս-Բի-Սի» խումբը նաեւ ամենակապիտալացված բանկն է աշխարհում:

Բանկի հիմնադիրներն են «Էյչ-էս-Բի-Սի» խումբը, որին պատկանում է բաժնետոմսերի 70 տոկոսը, եւ հայկական սփյուռքը ներկայացնող ներդնողները: Բանկը նաեւ SWIFT եւ Bankmail վճարային համակարգերի անդամ է:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով