Հարավաֆրիկյան Հանրապետությունը (ՀԱՀ) վերավաճառել է կորոնավիրուսի դեմ AstraZeneca-ի պատվաստանյութի իր պաշարը Աֆրիկյան միության երկրներին։ Այդ մասին հայտարարել է առողջապահության նախարար Զվելի Մկիզեն, գրում է ՌԻԱ Նովոստին։
«Նախարարությունը վերջին շաբաթներին պետք է համոզվեր, որ Աֆրիկյան միության բոլոր այն երկրները, որոնք պետք է պատվաստանյութեր ստանան, համապատասխանում են պահանջներին և ստացել են կանոնակարգող բոլոր հավանությունները, թույտվություններն ու արտոնագրերը համապատասխան երկրներում բաշխելու համար»,- ասվում է հայտարարության մեջ։
Նշվում է, որ պատվաստանյութերի առաջին խմբաքանակը կբաշխվի 9 երկրի, ցանկը չի հրապաակվել։
Ավելի վաղ հայտնի դարձավ, որ ՀԱՀ-ը որոշել է կասեցնել կորոնավիրուսի դեմ AstraZeneca պատվաստանյութի կիրառումը, քանի որ հետազոտությունը ցույց է տվել դրա ցածր արդյունավետութոյւնը կորոնավիրուսի հարավաֆրիկյան շտամի դեմ։
ՀԱՀ առողջապահության արհմիության աշխատակիցների և այլ ծառայությունների ներկայացուցիչ Քևին Հալամը հայտարարել է, որ ՀԱՀ իշխանությունները պետք է AstraZeneca-ի 1 մլն դեղաչափ վերավաճառեն Աֆրիկյան միությանը։