Չօգտագործված արձակուրդի դիմաց զինվորներին փոխհատուցելու նախագիծը հավանություն չի ստացել23 մարտի 2021 - 12:04 AMT PanARMENIAN.Net - Չօգտագործված արձակուրդների համար զինծառայողներին արձակուրդային վճար տրամադրելու նախագիծը չի ընդգրկվել ԱԺ լիագումար նիստերի օրակարգում։ «Զինվորական ծառայության և զինծառայողի կարգավիճակի մասին» օրենքում փոփոխություն և լրացում կատարելու մասին օրենքի նախագիծը ներկայացրել էր «Լուսավոր Հայաստանը»։ ԱԺ Պաշտպանության և անվտանգության հարցերի մշտական հանձնաժողովը բացասական եզրակացություն է տվել նախագծին, թեև 2018-ին ՍԴ-ն հակասահմանադրական է որակել այն դրույթը, ըստ որի զինծառայողների չօգտագործված արձակուրդային վճարը տրամադրվում է միայն վերջին 2 տարվա համար։ «Լուսավոր Հայաստան» խմբակցության անդամ Տարոն Սիմոնյանը նշել է, որ ՍԴ-ն պարտադրել էր, որ զինծառայողները բոլոր չօգտագործված արձակուրդների համար վճար ստանան։ «Նախաձեռնություն բերեցինք, որպեսզի դրույթը փոխվի, որպեսզի այդ իրավունքից կարողանան օգտվել նաև զինծառայողները: Բայց գլխադասային հանձնաժողովը մերժեց մեր նախաձեռնությունը, թեև ընդունում էր, որ կարգավորումը հակասահմանդրական է: Սա անհետաձգելի որոշում է», - ասել է Սիմոնյանը՝ կոչ անելով կողմ քվեարկել փոփոխությանը, սակայն որոշումը չի ընդգրկվել օրակարգ: Խոսքը ծառայությունից արձակվող զինծառայողների մասին է, որոնց և զինվորական ծառայության ընթացքում ունեցել են չօգտագործված արձակուրդ։ Առաջարկվում էր այդպիսի զինծառայողներին տալ փոխհատուցում` չօգտագործված արձակուրդների բոլոր օրերի դիմաց, ոչ թե միայն վերջին 2 տարվա։ Բոլոր հանրային ծառայողները, բացի զինծառայողներից,ունեն այդ հնարավորությունը։ Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | ՊՆ․ Զինծառայողների հարազատները ծանրոցներ ուղարկում են բացառապես կամավոր Նշվում է, որ զինծառայողների թիկունքային ապահովման բոլոր աշխատանքները պատշաճ իրականացվում են ԱՄՆ սենատորները կոչ են արել Բայդենին հակազդել մամուլի ազատության դեմ հարձակումներին՝ այդ թվում Ադրբեջանում Նշվում է, որ վերջին ամիսներին Ադրբեջանում 10 լրագրող է կալանավորվել Բելառուսն Արցախում 420 ընտանիքի համար բնակավայր կկառուցի Հայտարարվել է, որ ավանը կկառուցվի Աղդամի շրջանում ՔԿ․ «Էվրիկա»-ի տարբեր հասցեներում խուզարկություններ են ՊԵԿ-ն «Էվրիկա»-ին տուգանել է 10 մլն դրամով |