Սահակյան․ Covid-19-ով հիվանդացության մոտ 90% աճ կա29 մարտի 2021 - 17:57 AMT PanARMENIAN.Net - ՀՀ-ում կորոնավիրուսի տարածման առումով շատ բարդ իրավիճակ է՝ հիվանդացության մոտ 90% աճ կա։ Այդ մասին ասել է ԱՆ Հիվանդությունների վերահսկման և կանխարգելման ազգային կենտրոնի գլխավոր տնօրենի տեղակալ, Իմունականխարգելման ազգային ծրագրի ղեկավար Գայանե Սահակյանը։ «Առաջիկա շաբաթվա ընթացում սպասում ենք ավելի քան 7000 նոր դեպք», - ասել է Սահակյանը, տեղեկացնում է Aysor.am-ը: Նա նշել է նաև, որ մահճակալային ֆոնդը գրեթե սպառվում է՝ հավելելով, որ ամեն ինչ արվում է, որ պատվաստումները մյուս շաբաթից սկսվեն: Սահակյանը տեղեկացրել է, որ COVAX FASILITY նախաձեռնության շրջանակում AstraZeneca-ից բացի առաջիկայում Հայաստանին նոր պատվաստանյութեր ևս կառաջարկվեն: Առաջին փուլում ձեռք բերված AstraZeneca պատվաստանյութով պատվաստումը կլինի առաջին դեղաչափով, քանի որ առաջիկայում պատվաստանյութի նոր խմբաքանակ է լինելու: Այն ստանալուց հետո, արդեն երկրորդ դեղաչափը կառաջարկվի: Սահակյանը հավատացնում է՝ առաջին և երկրորդ դեղաչափերի միջև նվազագույն ինտերվալը՝ 8 շաբաթը պահպանվելու է։ AstraZeneca-ի պատվաստանյութի մասով մասնագետը նշել է նաև, որ հետպատվաստումային լուրջ անբարեհաջող դեպք չի գրանցվել: Չսպասվող ռեակցիայի հետևանքների մասով նա ասել է. «Եվրոպական դեղերի գործակալության տվյաներով՝ ավելի քան 20 մլն պատվաստում է կատարվել, և գրանցվել է 7 ընդհանուր անոթային տրոմբոէմբոլիա, մոտավորապես 18 գլխուղեղի սինուսային տրոմբոէմբոլիա: Այդ ուսումնասիրությունները, շեմային ցուցանիշները և պատվաստումից հետո հայտնաբերված ցուցանիշները որևէ ռիսկ չեն հայտնաբերել: Կովիդը կարող է առաջացնել դրանք, դրանք վիրուսի սովորական բարդություններից են: Այս պահին ոչ ոք չի կարող ապացուցել՝ պատվաստված 20 մլն-ից 18-ն արդյո՞ք վարակ չի ունեցել»: Հայաստան է ներկրվել կորոնավիրուսի (Covid-19) դեմ պատվաստանյութի առաջին խմբաքանակը՝ AstraZeneca ընկերության պատվաստանյութի 24,000 դեղաչափ: Պատվաստանյութը նախատեսված է ռիսկի խմբերի շրջանում, մասնավորապես՝ բուժաշխատողների, 65 տարեկան և բարձր տարիքի անձանց, քրոնիկ հիվանդների, տարեցների խնամքի կենտրոնների բնակիչների և աշխատակիցների, սոցիալական խնամքի կենտրոնների աշխատակիցների, կամավորության սկզբունքով, կորոնավիրուսի դեմ պատվաստելու համար: Ուշագրավ Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին Ամենաընթերցվողը բաժնում | Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ Թունյան․ ԵԱՏՄ անդամ ենք, զուգահեռ ԵՄ և այլ շուկաների ինտեգրման ուղղությամբ ենք աշխատում «Այս պահին ինչ-որ առարկայական, կտրուկ գործողության մասին խոսք չկա»,- ասել է Թունյանը «Հայաքվե»․ Չհավատալ և չտարածել ադրբեջանական գերության մեջ սպառնալիքի տակ կորզված խոսքերը և ուղերձները Ադրբեջանական լրատվամիջոցներում Արցախի նախկին պաշտոնյաների հետ հարցազրույցների անոնս էր հրապարակվել |