Արցախում հուսով են` խաղաղապահները կարձագանքեն Շուշիի տանկ-հուշարձանի մոտ ադրբեջանցիների գործողություններին 6 ապրիլի 2021 - 17:46 AMT PanARMENIAN.Net - Արցախի նախագահի մամուլի քարտուղար Լուսինե Ավանեսյանը, անդրադառնալով Շուշիի մերձակայքում հայկական տանկ-հուշարձանի ցուցանակին ադրբեջանցիների թողած գրություններին, ասել է, որ Արցախի իրավապահներն արձանագրել են Շուշի-Ստեփանակերտ մայրուղու վրա ապրիլի 6-ին տեղի ունեցած միջադեպն ու դրա մասին տեղյակ պահել ռուս խաղաղապահներին, տեղեկացնում է Sputnik Արմենիան։ Նա հույս է հայտնել, որ ռուսական կողմը պատշաճ կարձագանքի կատարվածին։ Տանկ-հուշարձանը գտնվում է հայկական վերահսկողության տակ գտնվող տարածքում։ Խոսքը 1992-ին Շուշիի ազատագրմանը մասնակցած և մայիսի 8-ին առաջինը բերդաքաղաք մտած հայկական տանկի մասին է, որը դարձել էր Շուշիի ազատագրման խորհրդանիշը։ Ադրբեջանցի զինվորականները, շրջանցելով ռուս խաղաղապահների` Շուշիի մոտ տեղակայված դիրքը, զարտուղի ճանապարհներով հասել էին Շուշիի մերձակայքում, հայկական վերահսկողության տակ գտնվող տարածքում տեղադրված տանկ–հուշարձանին: Նրանք գրություններ են թողել ցուցանակի վրա և հեռացել։ «Սա, ինչպես և ադրբեջանական կողմի մի շարք նմանատիպ քայլեր, մենք գնահատում ենք որպես Արցախի դեմ տեղեկատվական գրոհի, պատերազմի մի մաս և անհարգալից վերաբերմունք նախևառաջ մեր ռուս գործընկերների հանդեպ»,– ասել է Ավանեսյանը։ Իսկ Արցախի իշխանությունները, նրա խոսքով, վերլուծում են կատարվածն ու համատեղ միջոցառումներ ձեռնարկում բնակչության անվտանգությունն ապահովելու համար։ Այն մասին, որ ադրբեջանցի չորս զինվորականներ տանկ-հուշարձանի ցուցանակի վրա գրություններ էին արել ու հեռացել, հայտնել է Wargonzo Telegram-ալիքը։ Ըստ հրապարակման, ՌԴ ՊՆ-ում հաստատել են, որ միջադեպի մասին զեկուցվել է ռուս խաղաղապահ սպաներին և նրանք առաջիկայում գնահատական կտան այդ գործողություներին, որոնք հակասում են եռակողմ հայտարարությանը։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | ՄԻՊ աշխատակազմը մայիսի 9-ին արտակարգ ռեժիմով է աշխատելու Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումը Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով |