 Պետդեպ․ ՌԴ-ն, հնարավոր է, ձգտում է պահպանել ԼՂ հակամարտութունը, ոչ թե լուծել 8 ապրիլի 2021 - 12:14 AMT PanARMENIAN.Net - ԱՄՆ պետքարտուղարությունը պնդում է, որ Ռուսաստանը, հնարավոր է, ձգտում է պահպանել Լեռնային Ղարաբաղի հակամարտությունը, ոչ թե լուծել այն։ Այդպիսի տեսակետ է հայտնել պետքարտուղարի Եվրոպայի և Եվրասիայի գծով օգնականի տեղակալ Ջորջ Քենթը: Նա այդ մասին խոսել է Վաշինգտոնում գործող ոչ կառավարական «Թուրքական ժառանգություն» կազմակերպության առցանց սեմինարի ժամանակ, գրում է ՏԱՍՍ-ը։ «Ես ակնկալում եմ, որ կաճի Ադրբեջանի իշխանությունների դժգոհությունը ԼՂ-ում ռուս խաղաղապահների ներկայության հարցում, որոնք, հավանաբար, երկարաժամկետ կմնան Լեռնային Ղարաբաղում»,-ասել է նա։ Քենթը, բնութագրելով իրավիճակը Լեռնային Ղարաբաղում, ըստ էության, մեղադրել է Ռուսաստանին հակամարտությունը ձգձգելու ցանկության մեջ, ինչպես նաև մեջբերել Վրաստանի ԱԳ փոխնախարարին: «Վրաստանի ԱԳ փոխնախարարներից մեկը նոյեմբերին ասել էր․ «Դա այն իրավիճակն է, որում հայտնվել էր Վրաստանը 1998-ին։ Հետո Ադրբեջանը հայտնվեց այն իավիճակում, որում Վրաստանն էր 2008-ին։ Իսկ հետո նա կհայտնվի այն վիճակում, որում Վրաստանը հիմա է գտնվում»,- ասել է Պետդեպի աշխատակիցը։ «Սա բավականին հոռետեսական, բայց, հնարավոր է՝ իրական գնահատական է, թե ինչպես է ՌԴ-ն մանիպուլացիայի ենթարկում ԼՂ հակամարտությունը սեփական շահին հասնելու համար և իրականում չձգտելով կարգավորել հակամարտությունն ու թույլ տալ ՀՀ-ին ու Ադրբեջնին առաջ շարժվել»,- ասել է նա։ Միևնույն ժամանակ Քենթը հավաստիացրել է, որ ԱՄՆ-ն ողջունում է ռազմական գործողությունների դադարեցումն Ադրբեջանի և Հայաստանի միջև Լեռնային Ղարաբաղի շուրջ։ «Մենք բոլորս ողջունեցինք ռազմական գործողությունների դադարեցումը 2020-ի նոյեմբերին, երբ ՌԴ նախագահ Վլադիմիր Պուտինը առաջ քաշեց հրադադարի պայմանները»,- ասել է նա։ 2020թ․ նոյեմբերի 10-ի եռակողմ հայտարարությամբ Արցախում տեղակայվել են ռուս խաղաղապահներ 5 տարի ժամկետով, հետագայում ևս 5 տարով ժամկետը երկարացնելու հեռանկարով։   Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Վերջին լուրեր ՀՑԹ տնօրեն. Մոտ 200,000 հայ երեխա ու երիտասարդ կին Հայոց ցեղասպանության տարիներին բռնի ձուլվել է  Նա ընդգծվել է, որ ցեղասպանությունը միայն սպանությունների մասին չէԱԽ քարտուղար. ՌԴ խաղաղապահներն ուղևորվել են Գորիսի և Սիսիանի ժամանակավոր տեղակայման վայրեր` կազմակերպելու դրանց փակումը Նրանք Գորիսում և Սիսիանում էին Լաչինի միջանցքի բնականոն գործունեությունն ապահովելու նպատակադրմամբՄխիթարյանն 1-ին անգամ իր կարիերայում դարձել է թոփ 5 լիգաները ներկայացնող առաջնության չեմպիոն Նա հանդես է եկել նաև «Ռոմայում», «Արսենալում», «Մանչեսթեր Յունայթեդում», «Բորուսիա Դորտմունդում»Փաշինյան․ ՀՀ–ն չի պատրաստվում պատերազմել ԼՂ համար Նա նշել է, որ ՀՀ կառավարությունը պատրաստ է քայլեր ձեռնարկել, որ ադրբեջանական 4 գյուղում մարդկանց կյանքը հնարավոր դառնա |
