Նախարար․ «Սպուտնիկ V»-ի 2 դեղաչափը $19 արժեր 8 ապրիլի 2021 - 15:03 AMT PanARMENIAN.Net - Կորոնավիրուսի դեմ ռուսական արտադրության «Սպուտնիկ V» պատվաստանյութի 15,000 դեղաչափ խմբաքանակը հասել է Հայաստան՝ 2 դեղաչափի համար վճարվել է $19։ Այդ մասին տեղեկացրել է առողջապահության նախարար Անահիտ Ավանեսյանը: «Սպուտնիկ V»-ի նախորդ՝ առաջին խմբաքանակով առաջին հերթին պատվաստվել են Covid-կենտրոնների բուժաշխատողները, ինչպես նաև՝ քրոնիկ հիվանդները և 65-ն անց քաղաքացիները: «Այս պահին ծավալված է 2500 մահճակալ: Բրիտանական շտամի նոր դեպք դեռևս չկա»,- հայտնել է նախարարը, գրում է «Հետքը»։ Հարցին, որ վարչապետ Նիկոլ Փաշինյանը Ռուսաստանի նախագահի հետ հանդիպմանն ասել է, թե «Սպուտնիկ V»-ն Հայաստանում գրանցված է՝ նախարարը տեղեկացրել է, որ Covid-19-ի բոլոր պատվաստանյութերի գրանցում, որպես այդպիսին, այս պահին չի իրականացվում, որովհետև դրանք դեռ կլինիկական հետազոտությունների երրորդ փուլում են: «Օրենքն ունի մի քանի մեխանիզմ, այդ մեխանիզմներից մեկն էլ հանդիսանում է արտակարգ իրավիճակներում թույլտվություն, որպեսզի այդ պատվաստանյութն օգտագործվի, և այդ թույլտվությունը տրված է: Բոլոր պատվաստանյութերը, որոնք կավարտեն կլինիկական հետազոտությունների երրորդ փուլը, ինչ-որ մի փուլում այդպիսի ավարտական գրանցման վկայական կստանան: Մենք ունենք բոլոր իրավական հիմքերը «Սպուտնիկ V» գրանցելու»,- ասել է նա: Նախարարը չի պատասախանել հարցին, թե արդյոք վարչապետ Փաշինյանը պատվաստվել է, կոչ անելով ճշտել նրա խոսնակից: Պուտինը Փաշինյանի հետ հանդիպմանը խոստացել է լուծել կորոնավիրուսի դեմ պատվաստանյութերի անհրաժեշտ առաքումների հարցը։ Փաշինյանն ասել է, որ ՀՀ-ին ավելի քան 1 մլն դեղաչափ է հարկավոր։ Ապրիլի 8-ին ՀՀ-ն ստացել է պատվաստանյութի 15,000 դեղաչափ: Իմունականխարգելման ազգային ծրագրի ղեկավար Գայանե Սահակյանն ավելի վաղ տեղեկացրել էր, որAstraZeneca-ի գինը, որով ևս պատվաստումներ են արվում ՀՀ-ում, մոտ 25 դոլար է, բայց Հայաստանը 1 դեղաչափը 4.5 դոլարով է գնում: © factor.am Ուշագրավ Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին Ամենաընթերցվողը բաժնում | ԵԱՏՄ–ում ռոումինգի գնագոյացման կանոնները կընդունվեն մինչև 2024-ի վերջ Դեռևս մնում են բաց հարցեր Նախարար․ Աշակերտների թիվը դասարաններում կկրճատվի Միջին դպրոցում աշակերտների թիվն առավելագույնը կլինի 25, իսկ ավագ դպրոցում՝ 20 Եվրախորհրդի անվտանգության հարցերով կոմիտեի անդամները կայցելեն ՀՀ Նրանք կլինեն նաև Ադրբեջանում և Վրաստանում Սոլովյովի հեղինակային հաղորդումների հեռարձակումը ՀՀ–ում արգելափակվել է Այդ մասին հայտնել է ԲՏԱ փոխնախարարը |