10 տարում ՀՀ-ում ազատազրկվածների թիվը նվազել է 50%-ով

10 տարում ՀՀ-ում ազատազրկվածների թիվը նվազել է 50%-ով

PanARMENIAN.Net - 2010 թվականի համեմատությամբ Հայաստանում արձանագրվել է ազատազրկվածների թվի 50.4% կրճատում, այս մասին զեկույց է ներկայացրել Եվրոպայի խորհուրդը:

Ըստ զեկույցի՝ Հայաստանում 100,000 բնակչի հաշվով 75 բանտարկյալ կա․ ցուցանիշն ամենացածրերից է ամբողջ աշխարհում և համեմատելի է Գերմանիայի, Դանիայի, Սլովենիայի, Շվեդիայի հետ: 2010-ին 100,000 բնակչի հաշվով 151 բանտարկված է եղել։

Հայաստանում բանտարկյալների ընդհանուր թիվը 2221 է, իսկ քրեակատարողական հիմնարկների ընդհանուր կարողությունները 5346 մարդու համար են։ ԵԽ զեկույցի համաձայն յուրաքանչյուր օր մեկ բանտարկյալի համար երկիրը ծախսում է €18.8։

«Հայաստանի վերաբերյալ մյուս դրական ցուցանիշն այն է, որ 100 տեղի հաշվով բանտային բնակչության խտությամբ Հայաստանը դասվում է ամենացածր ցուցանիշն ունեցող երկրների շարքին՝ 41.5%: Սա գրեթե երկու անգամ ցածր է եվրոպական միջինից (86.6%)»,- ֆեյսբուքյան իր էջում գրել է արդարադատության նախարար Ռուստամ Բադասյանը:

Մոնակոն, Լիխտենշտեյնը, Իսլանդիան և Ֆինլանդիան Եվրոպայի այն երկրներն են, որտեղ բանտարկվածների թիվն ամենափոքրն է․ 100,000 բնակչի հաշվով 50 բանտարկյալ։ Սան Մարինոյում բանտարկյալներ չկան։

 Ուշագրավ
Հունվարի 21-ին տեղի է ունենալու նրա խափանման միջոցի փոփոխման վերաբերյալ դատական նիստը
«Միայն «իր հաշվին» ձևակերպումն է ճանաչվեց հակասահմանադրական»,-ասվում է ԱՆ հայտարարության մեջ
Ավիաընկերությունը կապահովի դեկտեմբերի 17-19-ը նախատեսված չվերթերի բոլոր ուղևորների տեղափոխումը
«Ես էլ ձեր տրամադրությունը բարձրացնեմ»,-գրել է նա
---