Արցախի ԱԳՆ-ն՝ Մարաղայի կոտորածի մասին․ Հանցագործները պետք է պատասխանատվություն կրեն ու պատժվեն

Արցախի ԱԳՆ-ն՝ Մարաղայի կոտորածի մասին․ Հանցագործները պետք է պատասխանատվություն կրեն ու պատժվեն

PanARMENIAN.Net - Ապրիլի 10-ին լրանում է Մարաղայի կոտորածի 29-րդ տարելիցը, ինչի կապակցությամբ Արցախի արտաքին գործերի նախարարությունը հայտարարություն է տարածել։

ԱՀ ԱԳՆ-ից նշել են, որ Մարաղայի դեպքերը դարձան մինչ այդ Ադրբեջանի կողմից հայերի նկատմամբ կանոնավոր ու համակարգված հետապնդումների և ցեղասպան գործողությունների տրամաբանական շարունակությունը։

Արցախի արտաքին քաղաքական գերատեսչությունից նշել են, որ մարդկության դեմ ուղղված հանցագործությունները վաղեմության ժամկետ չունեն, իսկ հանցագործները պետք է ենթարկվեն պատասխանատվության և պատժվեն։

«Ադրբեջանական զորքերը, ներխուժելով Մարաղա, դաժանաբար սպանեցին և կտտանքների ենթարկեցին տեղի խաղաղ բնակչությանը, այդ թվում՝ կանանց, երեխաներին և ծերերին։ Ադրբեջանցի զինծառայողները 45 հոգու գլխատեցին, որոշներին վառեցին, ավելի քան 100 կանանց և երեխաների գերեվարեցին։ Ոճրագործներն արժանացան պետական բարձր պարգևների, իսկ նրանց հրամանատարը՝ Ադրբեջանի Ազգային հերոսի կոչման, ինչը փաստում է, որ Ադրբեջանում հայատյաց և ցեղասպան քաղաքականությունը խրախուսվում է ամենաբարձր պետական մակարդակով»,-հիշեցրել են ԱՀ ԱԳՆ-ից։

Մարաղան ԼՂ հյուսիսային՝ Թարթառի շրջանի գյուղերից է։ 1992 թվականի ապրիլի 10-ին առավոտյան ժամը 5-ին գյուղը հրետակոծելուց հետո ադրբեջանցի զինվորները մտել էին այդտեղ, սպանել քաղաքացիական բնակչությանը։ Հաջորդ օրը գյուղը հետ գրավելուց հետո մի քանի տասնյակ մարդու դի էր գտնվել, որոշները՝ խեղված։ Մարաղայի կոտորածը իրագործելու համար «Գուրթուլուշ» գումարտակի հրամանատար Շահին Թալիբ օղլի Թագիևը ստացել է «Ադրբեջանի ազգային հերոսի» կոչում։

 Ուշագրավ
Կողմերն անդրադարձել են ՀՀ-ԵՄ հարաբերություններին, Լեռնային Ղարաբաղի շուրջ ստեղծված իրավիճակին
Ավելի վաղ ԱՀ նախագահը հանդիպել էր Արկադի Ղուկասյանի և Բակո Սահակյանի հետ
Նա նշել է, որ Մեծի Տանն Կիլիկիո կաթողիկոսությունը չի կարող անտարբեր և լուռ մնալ
---