Ռուս խաղաղապահներն ականազերծում են Մարտակերտին հարակից գյուղատնտեսական հողերը

Ռուս խաղաղապահներն ականազերծում են Մարտակերտին հարակից գյուղատնտեսական հողերը

PanARMENIAN.Net - Արցախում տեղակայված ռուս խաղաղապահների ինժեներասակրավորական խմբերը Մարտակերտի շրջանում ականազերծում են գյուղատնտեսական նշանակության հողերը։

Վերջին օրերին Մարտակերտի շրջանում հայտնաբերվել և վնասազերծվել է խոշոր տրամաչափի ավելի քան 50 արկ և պայթուցիկ առարկա, տեղեկացնում է ՌԴ ՊՆ մամուլի ծառայությունը։

Նշվում է, որ Մարտակերտի ծայրամասում գտնվող գյուղատնտեսական նշանակության տարածքներում մարտական գործողությունների ժամանակ հրետանային դիրքեր էին։ Տեղի բնակիչները չեն կարող վերսկսել գյուղատնտեսական աշխատանքները, քանի դեռ հողն ամբողջությամբ մաքրված չէ:

2020 թ. նոյեմբերի 23-ից ի վեր ռուսական խաղաղապահ զորակազմի մարդասիրական ականազերծման ստորաբաժանման զինծառայողները չպայթած զինամթերքից մաքրել են 1960 հեկտար տարածք, 605 կմ ճանապարհ, 1692 շենք, այդ թվում՝ 30 սոցիալական նշանակության օբյեկտ, հայտնաբերվել և վնասազերծվել է 25,484 պայթուցիկ առարկա։

 Ուշագրավ
Վիզայի հնարավոր տրամադրումը չի երաշխավորում տարածք անհապաղ մուտքի հնարավորություն
«Խաղաղությունն ավելի ուշ հաստատվեց, քան առաջարկվել էր կողմերին»,-ասել է նա
Այդ մասին հայտնել է Վրաստանի էկոնոմիկայի և կայուն զարգացման նախարարը
ԱԳՆ-ն մշտական կապի մեջ է Երուսաղեմի Հայոց պատրիարքարանի հետ