Փաշինյանը հերքել է Գասպարյանի` պատերազմը կանգնեցնելու անհրաժեշտության մասին խոսքերը14 ապրիլի 2021 - 10:54 AMT PanARMENIAN.Net - Գլխավոր շտաբի նախկին պետ Օնիկ Գասպարյանի նոյեմբերի 17-ի հայտարարությունը, թե պատերազմի 4-րդ օրը ինքը ներկայացրել է հայկական կողմի ունեցած կորուստները և նշել, որ 2-3 օրվա ընթացքում պետք է միջոցներ ձեռնարկել պատերազմը դադարեցնելու համար, իրականությանը չի համապատասխանում, խորհրդարանում հայտարարել է վարչապետ Նիկոլ Փաշինյանը։ Ըստ նրա՝ Գասպարյանի՝ նոյեմբերի 17-ի հայտարարության այդ կետն իրականության հետ որևէ աղերս և առնչություն չունի։ «ԳՇ պետը նման բան չի ասել, դա պաշտոնապես արձանագրված է, այդ թվում` ձայնագրությամբ։ Ընդհակառակը, սեպտեմբերի 30-ին Անվտանգության խորհրդի նիստին ասել է, որ հակառակորդը ոչ մի առաջխաղացում չի ունեցել, բանակը, Զինված ուժերը կատարում է իր առջև դրված խնդիրն ու մինչև վերջ կկատարի։ ԳՇ պետը չէր էլ կարող սեպտեմբերի 30-ին նման հայտարարություն անել՝ մի պարզ պատճառով, որովհետև 2020-ի օգոստոսի 21-ին ԱԽ նիստում ունեցած զեկույցում հավաստիացրել է՝ «Արցախյան ուղղությամբ մենք կարող ենք առկա ուժերով ու միջոցներով ոչ միայն «ոչ մի քայլ հետ» սկզբունքով հետ մղել, ձախողել հակառակորդի հարձակումը և ջախջախել նրա խմբավորումներին»։ Սա ՀՀ ԶՈւ գնահատականն է եղել 2020-ի օգոստոսի 21-ին և սեպտեմբերի 30-ին»,-ասել է Փաշինյանը։ Վարչապետի խոսքով՝ ասվածը, սակայն, չի նշանակում, որ ՀՀ-ն միջոցներ չի ձեռնարկել պատերազմը կանխելու ուղղությամբ․ ամենաբարձր մակարդակով հրադադարի 3 պայմանավորվածություն է եղել, որոնք չեն կատարվել։ 44-օրյա պատերազմից հետո ԳՇ նախկին պետ Գասպարյանը նոյեմբերի 17-ին հրապարակված իր ուղերձում ասել էր, թե հայկական կողմն ընտրություն պիտի աներ «շատ վատի ու ողբերգականի միջև և ընտրել է շատ վատը»: Նա նշել էր, որ պատերազմի 4-րդ օրն այն դադարեցնելու մասին է խոսել։ Ապա ավելացրել՝ նմանատիպ գնահատականներ ինքը բազմիցս ներկայացրել է նաև վարչապետի հետ շուրջօրյա աշխատանքի ընթացքում, ինչպես նաև անվտանգության խորհրդի նիստերում: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |