Պատերազմի ժամանակ տանկային միավորումներից մեկը, որի հրամանատարը գեներալներից մեկի որդին էր, իր անելիքը չի կատարել։ Այդ մասին Ազգային ժողովում հայտարարել է վարչապետ Նիկոլ Փաշինյանը՝ արձագանքելով պատգամավոր Հովիկ Աղազարյանի հարցին։
Պատերազմի ընթացքում հակառակորդը հարավային ուղղությամբ ճեղքում է կատարել՝ հասնելով մինչև Ջաբրայիլ և ուղղություն վերցնելով դեպի Հադրութ։ Արցախյան հերոսամարտի ամենաակտիվ և նշանակալի դեմքերից մեկն առաջարկել է, որ ճեղքման հատվածը պետք է հյուսիսից կտրել և հակառակորդի ուժերը բաժանել միմյանցից։
Առաջարկը քննարկելու նպատակով Ստեափանակերտոմ հրավիրել եմ խորհրդակցություն։ ՀՀ ԳՇ պետն էլ միացել է սելեկտորով, քննարկման արդյունքում ԳՇ պետն ասել է, որ հետաքրքիր գաղափար է, բայց պետք է տեղում գնահատել իրադրությունը և որոշել, թե որքանով է դա իրականանալի։ Գնահատումը պետք է կատարեր ՊԲ հրամանատարությունը։ ՊԲ հրամանատրությունը զեկուցել է, որ կարելի է իրականցնել նման գործողություն։ ԳՇ պետն էլ ինձ է զեկուցել, որ իրականանալի է։ Օպերացիան սկսվել և մի քանի ժամ հաջող իրագործվել է, ամեն դեպքում՝ ինձ այդպես են զեկուցել, և ավարտին չի հասցվել, քանի որ տանկային միավորումներից մեկն իր անելիքը չի արել և նախատեսված ձևով չի մասնակցել օպերացիային։ Ինչո՞ւ դա տեղի չի ունեցել, չգիտեմ։ Բայց նապատակը եղել է ճեղքի հատվածը փակել, թե ինչու չի արվել, պետք է քննություն անցկացնել»,- ասել է Փաշինյանը։
Նա նշել է, որ 44-օրյա պատերազմի հետ կապված բազմաթիվ դրվագներ պետք է քննվեն։
«Այդ միավորումը, որի հրամանատարը եղել է այսօր ակտիվ ընդդիմադիր գործունեություն ծավալող գեներալներց մեկի որդին, չի կատարել իր պարտականությունները։ Կհետաքննենք։ Կարող է էն 17-ն իրեն է զանգել, ասել՝ քո թշնամին Երևանում է, կարող է նորահայատ ընդդիմադիր գործիչն ինքն է զանգել որդուն։ Կպարզենք։ Խառը ժամանակները կանցնեն կպարզենք»,- ասել է նա։
Փաշինյանը հավանաբար նկատի ունի ՊՆ նախկին ղեկավար Սեյրան Օհնյանի որդուն։ Սեյրան Օհանյանը ևս պահանջում էր Փաշինյանի հրաժարականը և մի քանի անգամ ելույթ է ունեցել Հայրենիքի փրկության շարժման հանրահավաքներում։