 Սուպերլիգայի նախագահ․ ՈւԵՖԱ-ի նոր ձևաչափի դեպքում մինչև 2024թ․ ֆուտբոլը կմեռնի 20 ապրիլի 2021 - 14:53 AMT PanARMENIAN.Net - Եվրոպական Սուպերլիգան կյանքի է կոչվել՝ 12 ֆուտբոլային ակումբ հայտարարել է ՈւԵՖԱ մրցաշարերից դուրս գալու և գրանդերի համար փակ մրցաշարում ճանապարհ սկսելու պատրաստակամության մասին։ Սուպերլիգայի նախագահ Ֆլորենտինո Պերեսը, մեկնաբանելով դրան մասնակցելու համար ՈւԵՖԱ-ից ակումբների հնարավոր հեռացման մասին լուրերը, հայտարարել է, որ դա տեղի չի ունենա։ «ՈւԵՖԱ-ի նոր ձևաչափի դեպքում մինչև 2024թ․ ֆուտբոլը կմեռնի»,- ասել է նա, գրում է Championat.com-ը։ ՈւԵՖԱ-ի նոր ձևաչափը, որը պետք է գործարկվի 2024-ից, նախատեսում է ավելի շատ հանդիպումներ և ավելի քիչ խաղեր թույլ ակումբների հետ։ Այսիպիսին էին առաջատար ակումբների պահանջները, սակայն այս դեպքում էլ հանդիպումները չափից շատ են ստացվում և ծանրաբեռնվում է ժամանակացույցը։ Առաջատար ակումբները նաև ուզում են տնօրինել ֆինանսները և գումար չծախսել ֆուտբոլային գաճաճների վրա։ Նա հավելել է, որ ՈւԵՖԱ-ն լավ իմիջ չունի։ «Նրանք, ովքեր կառավարում են ՈւԵՖԱ-ի մենաշնորհները, պետք է ազնիվ լինեն։ Չեմ ուզում հիմա որոշ բաներ հիշատակել, որ եղան ՈւԵՖԱ-ի հետ, բայց երկխոսություն պետք է լինի, ոչ թե սպառնալիքներ։ Նրանք մի ձևաչափ են ներկայացրել, որը ոչ ոք չի հասկանում, և ասում են, որ փոփոխությունները կսկսվեն 2024-ին։ Բայց նման մոտեցմամբ մինչև 2024թ․ ֆուբոլը կմեռնի։ Կան ակումբներ, որոնք հարյուր միլիոնավոր կորուստներ են ունեցել»,-ասել է նա։ Սուպերլիգայի հիմնադիր թիմերը միանվագ € 3.5 մլրդ կստնան։ Նախատեսված է 36 մասնակից թիմ։ Սուպերլիգային միացել են անգլիական «Մանչեսթեր Յունայթեդը», «Լիվերպուլը», «Ման Սիթին», «Արսենալը», «Չելսին», «Տոտենհեմը», իսպանական «Բարսելոնան», «Ռեալը», «Ատլետիկոն», իտալական «Ինտերը», «Միլանը» և «Յուվենտուսը»։ Մեկնարկը նախատեսված է օգոստոսին։   Ուշագրավ Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը «Այդ պահից հետո ամեն ինչ արմատապես փոխվեց»,- ասել է նա   |  Վերջին լուրեր Սենատի Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր  Հյուրերը շրջել են նաև Հայոց ցեղասպանության թանգարանումԹրյուդո․ Պետք է հիշենք և հարգենք Հայոց ցեղասպանության զոհերի հիշատակը Նա նշել է, որ Կանադայում ապրիլը համարվում է Ցեղասպանության, հիշատակի, դատապարտման և կանխարգելման ամիսԹուրքիայի ընդդիմադիր DEM կուսակցությունը ոգեկոչել է Հայոց ցեղասպանության զոհերի հիշատակը Ոգեկոչման ակցիան ուղեկցվել է ցեղասպանության զոհ գնացած հայ մտավորականների լուսանկարների ցուցադրմամբՍերժ Սարգսյանը՝ ընդդիմության անհաջողության մասին․ Կան ոչ միասնական մոտեցումներ Նա նշել է նաև, որ կա արտաքին սատարում այս իշխանություններին |
