Ալիև․ Բաքուն չի կարող թույլ տալ ՀՀ-ին իր բանակը մի վիճակի բերել, որով այն սպառնալիք կլինի

Ալիև․ Բաքուն չի կարող թույլ տալ ՀՀ-ին իր բանակը մի վիճակի բերել, որով այն սպառնալիք կլինի

PanARMENIAN.Net - Ադրբեջանի նախագահ Իլհամ Ալիևը հայտարարել է, որ Բաքուն չի կարող թույլ տալ ՀՀ-ին բերել իր բանակը մի վիճակի, որով այն կարող է սպառնալիք լինել իր երկրի համար։

«Եթե Հայաստանում ինչ-ինչ ռևանշիստական ուժեր բարձրանան, նրանք պետք է իմանան, որ կործանիչ հարված կստանան, եթե պահանջվի։

Մենք չենք կարող թույլ տալ Հայաստանին իր բանակը մի այնպիսի վիճակի հասցնել, որով այն կարող է ինչ-որ սպառնալիք ներկայացնել մեզ համար։ Եթե մենք ի հայտ բերենք հնարավոր սպառնալիքը, մենք անմիջապես կոչնչացնենք այն։ Դա պետք է իմանան բոլորը՝ և Հայաստանը, և նրա կողմնակիցները»,-ասել է Ալիևը Ադրբեջանի պետական AzTV հեոուստաալիքին տված հարցազրույցում, գրում է Moscow-Baku-ն։

Ալիևն ասել է, թե այդ հարցն Ադրբեջանի «պաշտպանության և ազգային անվտանգության հարց է», բայց միևնույն ժամանակ Բաքուն պատրաստ է գործակցել Հայաստանի հետ։

Ալիևն ավելի վաղ հայտարարել է, որ Ադրբեջանը «կիրագործի Զանգեզուրի միջանցքի ստեղծման ծրագիրը՝ կուզի դա Հայաստանը, թե ոչ:

«Եթե Հայաստանն ուզի, այդ հարցը պարզ կլուծվի, եթե չուզի՝ կլուծվի ուժով։ Ես ասում էի պատերազմի ժամանակ ու ասում եմ հիմա՝ նրանք պիտի «ռադ լինեն» մեր հողից բարի կամքով, թե չէ մենք նրանց դուրս կշպրտենք։ Այդպես էլ եղավ։ Նույնը լինելու է Զանգեզուրի միջանցքի հետ», - նշել է նա։

 Ուշագրավ
Ստացիոնար բուժում է ստանում 21 վարակակիր
Առաջիկա օրերին նոր կորոնավիրուսի վարակից կկարողանան ապահովագրվել հազարավոր արցախցիներ
Պետքարտուղարը շեշտել է, որ հակամարտության կարգավորումը շահեկան կլինի տարածաշրջանում բոլորի համար
Նա ասել է նաև, որ իր համար պատերազմի հետևանքներն պարզ էին արդեն հոկտեմբերի սկզբին