Քոչարյանը հիշել է 2005-ին Էրդողանի հետ իր նամակագրությունը

Քոչարյանը հիշել է 2005-ին Էրդողանի հետ իր նամակագրությունը

PanARMENIAN.Net - ՀՀ երկրորդ նախագահ Ռոբերտ Քոչարյանը ֆեյսբուքյան իր էջում վերհիշել է 2005 թվականը, մասնավորապես՝ այն ժամանակ վարչապետի պաշտոնը զբաղեցնող Թուրքիայի նախագահ Ռեջեփ Թայիփ Էրդողանի հետ իր նամակագրությանը Հայոց ցեղասպանության հարցի շուրջ։

«2005-ի ապրիլին Հայաստանում պատրաստվում էին մեծ հանդիսավորությամբ ոգեկոչել Հայոց ցեղասպանության զոհերին՝ 90-րդ տարելիցի շրջանակներում։ Նախորդ տարիներին, Հայաստանի իշխանությունների և հայկական դիվանագիտության ջանքերի շնորհիվ, ցեղասպանության ճանաչման գործընթացը մեծ առաջընթաց էր գրացնում։ Սա չէր կարող չանհանգստացնել հարևան Թուրքիային: Թուրքիայի այն ժամանակվա վարչապետ Էրդողանը ՀՀ նախագահ Քոչարյանին նամակ էր գրել։

Էրդողանը հուսահատ փորձ էր անում Հայոց ցեղասպանության հարցը հանձնել պատմաբաններին, սակայն ստացավ արժանի կոշտ պատասխան։ Նախագահը պատասխանում նշել էր. «Երկկողմ հարաբերությունների զարգացման պատասխանատվությունը կրում են կառավարությունները, և մենք իրավասու չենք այն պատվիրակել պատմաբաններին, ուստի մենք կրկին առաջարկում ենք առանց նախապայմանների մեր երկու երկրների միջև հաստատել նորմալ հարաբերություններ»։ Էրդողանի կողմից պատասխան չհաջորդեց։ Դժվար էր պատասխանել քաղաքական առումով գրագետ, փաստարկված և հեռատես նամակին»,-ասվում է գրառման մեջ։

 Ուշագրավ
Քոչարյանը ընդգծել է, որ երկրի առջև կանգնած երեք խնդիր կա՝ անվտանգություն, Ղարաբաղ և տնտեսական ճգնաժամ
ՀԱԿ-ը դեռ որոշում չունի ընտրություններին մասնակցելու ձևաչափի վերաբերյալ
Տեղի կունենա Լվրովի և Այվազյանի համատեղ մամուլի ասուլիսը