Քոչարյան. Պաշտոնավարմանս 10 տարում ամենաքիչ զոհերն ենք ունեցել շփման գծում

Քոչարյան. Պաշտոնավարմանս 10 տարում ամենաքիչ զոհերն ենք ունեցել շփման գծում

PanARMENIAN.Net - ՀՀ երկրորդ նախագահ Ռոբերտ Քոչարյանն իր աջակիցների հետ հանդիպմանը հիշեցրել է, որ նրա պաշտոնավարման 10-ը տարին ամենախաղաղ տարիներն էին։

«Ամենից քիչ զոհերն ենք ունեցել շփման գծում։ Սա փաստ է», - ասել է նա։

Նա նշել է, որ երբ ՀՀ առաջին նախագահ Լևոն Տեր-Պետրոսյանը պաշտոնից հեռանալիս ասաց, որ «խաղաղության կուսակցությունը գնում է, պատերազմի կուսակցությունն է գալիս», հավանաբար, անկեղծ հավատում էր դրան, բայց կյանքը ցույց տվեց, որ հաջորդ տարիներն ամենախաղաղը եղան։

«Բայց եղավ ճիշտ հակառակը, մենք ունեցանք ամենախաղաղ 10-ը տարին Հայաստանում, ամենից քիչ զոհերը», - ասել է նա։

Քոչարյանն ասել է նաև, որ մտադիր է ոչ միայն արժանապատիվ խաղաղություն հաստատել, այլև բարեկեցիկ կյանք։

«Տասը տարվա ընթացքում ապացուցել ենք, որ երկիրը կարող է զարգանալ Ղարաբաղի հետ միասին, և սա նույնպես փաստ է», - հավելել է նա։

Անդրադառնալով ընտրություններին՝ Քոչարյանն ասել է, որ լինելու է ընտրություն 2 պարզ բևեռի միջև՝ «ուզո՞ւմ ենք ստորացված, անարժանապատիվ, թշվառ ապագա, թե՞ ուզում ենք խաղաղություն ու բարեկեցիկ կյանք»։

«Սա է լինելու ընտրությունը»,- ասել է ՀՀ երկորրդ նախագահը՝ ընդգծելով, որ անելիքները շատ-շատ են, «քանի որ տնտեսական վիճակը շատ վատ է»։

Վարչապետ Նիկոլ Փաշինյանը հայտարարել է, որ հունիսի 20-ին երկրում կայանլու են խորհրդարանական արտահերթ ընտրություններ։ ՀՀ երկրորդ նախագահ Ռոբերտ Քոչարյանը հայտարարել է, որ մասնակցելու է ընտրություններին։

 Ուշագրավ
Նա նշել է, որ այժմ միայն ինստիտուցիոնալ բարեփոխումներ և բովանդակային աշխատանք պետք է արվի
Նա նշել է, որ երկրների միջև ռազմատեխնիկական համագործակցությունը երկար ավանդույթ ունի
Նա չկար ՀՀ վերադարձած հայ գերիների թվում, թեև ավելի վաղ Ադրբեջանում հրապարակած ցուցակում նրա անունն ընդգրկված էր
Փաշինյանի հեռախոսազրույցը Ղազախստանի նախագահ Կասիմ-Ժոմարտ Տոկաևի հետ
---