«Օսկարի» մրցանակակիրները հայտնի են․ «Քոչվորների հողը»՝ լավագույն ֆիլմ

PanARMENIAN.Net - Լոս Անջելեսում կայացել է ԱՄՆ կինոակադեմիայի «Օսկար» մրցանակի մրցանակաբաշխությունը։

Տարվա լավագուն ֆիլմ է ճանաչվել Խլոյա Չժաոի «Քոչվորների հողը», որի հերոսուհին, անտուն և անգործ մնալով, ավտոֆուրգոնով ճանապարհորդում է ԱՄՆ-ով։

Դերասանուհի Ֆրենսիս Մակդորմանդը, որը ֆիլմում կատարել է գլխավոր դերը, «Օսկարի» է արժանցել «Լավագույն դերասանուհի» անվանակարգում։ Իսկ Չժաոն ճանաչվել է տարվա լավագույն ռեժիսոր։

Տղամարդու լավագույն դերակատարման համար «Օսկար» է ստացել Էնթոնի Հոփքինսը «Հայրը» ֆիլմում դերի համար։ Այդպիսով, նա դարձել է ամենատարեց մրցանակակիրը, գրում է ՌԻԱ Նովոստին։

Լավագույն օրիգինալ սցենարի համար մրցանակը ստացել է բրիտանցի դերասանուհի և ռեժիսոր Էմիրալդ Ֆեննելը, որը գրել է «Խոստումնալից աղջիկը» ֆիլմի սցենարը։

Լավագույն օտարերկրյա ֆիլմ է ճանաչվել դանիացի ռեժիսոր Թոմասն Վինտերբերգի «Մի-մի հատ էլ» ժապավենը։

Լավագույն անիմացիոն ֆիլմն է «Հոգի» մուլտֆիլմը, իսկ լավագույն փաստագրականը՝ «Իմ ուսուցիչ ութոտնուկը»։

«Երկրորդ պլանի լավագույն դերասանուհի» անվանակարգում մրցանակը ստացել է հարավկորեական դերասանուհի Յուն Յո-ջոն «Մինարի» ֆիլմում։

Լավագույն օպերատորական աշխատանքի և դեկորացիաների համար «Օսկար» է ստացել սև-սպիտակ «Մանկ» ֆիլմը։

Լավագույն օրիգինալ կոմպոզիցիա է ճանաչվել Fight for You երգը «Հուդան և սև մեսիան» ֆիլմից։

Կորոնավիրուսի պանդեմիայի պատճառով արարողությունը տեղի է ունեցել համեմատաբար սակավաթիվ՝ 170 հանդիսատեսի համար։