Սահակյան․ Այսուհետ 18-ից բարձր բոլոր ցանկացողները կարող են պատվաստվել AztraZeneca-ով28 ապրիլի 2021 - 19:05 AMT PanARMENIAN.Net - Հայաստանում կորոնավիրուսի դեմ պատվաստումների կարգը փոխվել է: Այս մասին այսօր տեղի ունեցած ասուլիսի ընթացքում հայտնել է ԱՆ հիվանդությունների վերահսկման ու կանխարգելման ազգային կենտրոնի փոխտնօրեն Գայանե Սահակյանը: Նա տեղեկացրել է, որ 18 տարեկանից բարձր բոլոր քաղաքացիները, անկախ նրանից՝ ռիսկի խմբում են, թե ոչ, կարող են պատվաստվել AztraZeneca-ով, գրում է Shantnews.am-ը։ Սահակյանը տեղեկացրել է նաև, որ պատվաստվելուց առաջ որևէ հետազոտության կարիք չկա։ «Ոչ մի հետազոտություն պետք չէ. ո՛չ թրոմբոցիտների քանակի որոշում, ո՛չ հակամակարդիչների կիրառում: Դա պարզապես ավելորդ ռեսուրսների վատնում է»,- ասել է Սահակյանը։ Մասնագետը հայտնել է, որ խոսքը վերաբերում է նաև ՊՇՌ հետազոտությանը՝ պարզելու՝ արդյոք մարդը վարակված է կորոնավիրուսով, թե ոչ: «Նման անհրաժեշտություն չկա, քանի որ կարող է առավոտյան հանձնել, թեստը բացասական լինել, երեկոյան արդեն դրական լինել: Ուղղակի պետք է զգուշություն ցուցաբերի պատվաստվողը: Պարզապես պետք է իմանալ, որ պատվաստումը չի խորացնում իրավիճակը, որևէ կերպ չի ազդում հիվանդության ընթացքի վրա»,- ասել է Սահակյանը: Նա նշել է՝ եթե մարդը մինչև պատվաստվելը վարակվում է կորոնավիրուսով, այդ դեպքում պատվաստանյութը «չի աշխատում»: Փոփոխություններ կան նաև պոլիկլինիկաների աշխատանքում։ Եթե նախկինում պոլիկլինիկաներն աշխատում էին շաբաթական 5 օր, ապա հիմա պիտի աշխատեն նաև շաբաթ և կիրակի օրերին՝ 10:00-16:00-ն: «Իսկ «Սպուտնիկ V»-ի հարցով քաղաքականությունը չի փոխվել, այսինքն՝ առավել խոցելի խմբերը՝ 18-54 տարեկան, կպատվաստվեն: Հիմնականում կլինեն բուժաշխատողները, խրոնիկ հիվանդություններ ունեցողները և սոցիալական պաշտպանության կազմակերպությունների անձինք»,- ասել է Սահակյանը: Հայաստանում կորոնավիրուսի դեմ պատվաստումները երկու պատվաստանյութերով են իրականացվում` ռուսական «Սպուտնիկ–V»-ով և AstraZeneca-ով։ Ուշագրավ Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները Առաջարկվում է նաև տուգանային միավոր սահմանել նաև լուսաթափանցելիության կանոնի խախտման համար Ամփոփվել են միասնական քննությունների առաջին փուլի արդյունքները Հաջորդ հումանիտար բեռը նախատեսվում է տրամադրել Խարկովի հիվանդանոցներից մեկին Ամենաընթերցվողը բաժնում | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ Թունյան․ ԵԱՏՄ անդամ ենք, զուգահեռ ԵՄ և այլ շուկաների ինտեգրման ուղղությամբ ենք աշխատում «Այս պահին ինչ-որ առարկայական, կտրուկ գործողության մասին խոսք չկա»,- ասել է Թունյանը |