Սիմոնյան. Փաշինյանը ռազմական օգնության հարցով դիմել է Պուտինին14 մայիսի 2021 - 18:31 AMT PanARMENIAN.Net - ԱԺ փոխնախագահ Ալեն Սիմոնյանը հայտարարել է, որ վարչապետի պաշտոնակատար Նիկոլ Փաշինյանը դիմել է ՌԴ նախագահ Վլադիմիր Պուտինին՝ փոխհամաձայնության պայմանագրի շրջանակում, ինչպես նաև ռազմական օգնության հարցով։ «Մենք սպասում էինք, որ ադրբեջանական զորքերը հետ կգնան, սակայն այսօր տեղաշարժ չկա, ուստի Նիկոլ Փաշինյանը դիմել է Ռուսաստանին՝ մեր պայմանագրի շրջանակում օգնության հարցով»,- ասել է Սիմոնյանը, գրում է «Փաստինֆոն»: Նա հիշեցրել է, որ ՀՀ-ն նաև պաշտոնապես դիմել է ՀԱՊԿ-ին՝ փաստաթղթերը մուտք են արվում ՀԱՊԿ-ի համապատասխան խողովակներով։ Պատասխանելով հարցին, թե հնարավո՞ր է ասել, որ Ադրբեջանը պատերազմ է հայտարարել Հայաստանին՝ ԱԺ փոխնախագահը նշել է, որ այս պահին նման բան ասել չի կարելի, քանի որ որևէ կրակոց և ընդհարում չի եղել։ «Տարբեր տեղաշարժեր տեղի են ունենում նաև այնտեղ, և այս պահին նման հայտարարություն անելն անընդունելի է»,- ասել է նա։ Իսկ ստեղծված իրավիճակի պատճառով ընտրությունների չեղարկման հավանականության մասին հարցին Ալեն Սիմոնյանը պատասխանել է․ «Նման հարց այս պահին չի քննարկվում: Կա շատ ավելի կարևոր հարց, որն այս պահին արագ լուծման և արձագանքման կարիք ունի»: Մայիսի 12-ի առավոտյան Ադրբեջանի զինված ուժերը Սյունիքի մարզի Սև լիճ տեղանքում և հարակից տարածքում հատել են ՀՀ պետական սահմանը և խորացել մինչև 3․5 կիլոմետր։ Վարչապետի պաշտոնակատար Նիկոլ Փաշինյանը դա որակել է որպես դիվերսիոն անցում, նշել, որ իրավիճակը մերձճգնաժամային է, եթե ոչ ճգնաժամային, և հայտարարել, որ ՀՀ-ն չի կարող նման վիճակ հանդուրժել։ Մայիսի 13-ին ադրբեջանական զինված ուժերը, կրկին՝ «սահմանների ճշգրտման» հիմնավորմամբ, հերթական սադրանքն են իրականացրել Հայաստանի Հանրապետության ինքնիշխան տարածքի նկատմամբ՝ փորձելով դիրքային առաջխաղացում ապահովել Վարդենիսի և Սիսիանի սահմանային հատվածներում։ Բանակցություններն արդյունք չեն տվել։ՀՀ-ն պաշտոնապես դիմել է ՀԱՊԿ-ին։ Ուշագրավ Նա նաև վստահություն է հայտնել, որ որևէ ՔՊ-ական չի գնա հանդիպման սրբազանի հետ Իրանի նախագահի և նրան ուղեկցող անձանց հուղարկավորությունը տեղի կունենա մայիսի 21–ին Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Ամենաընթերցվողը բաժնում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Նարեկ Սամսոնյանն ու Վազգեն Սաղաթելյանն ազատ են արձակվել Նրանք 3 ամիս չեն կարողանալու վարել իրենց հաղորդումը Քո տունը Հայաստանում է․ Ամերիաբանկն առաջարկում է հիփոթեքային վարկեր Սփյուռքի համար Առաջարկից օգտվելու համար անհրաժեշտ է Ամերիաբանկի կայքում լրացնել համապատասխան հայտը |