Քոչարյանը չի ընդգրկվի ԱՖԿ «Սիստեմայի» տնօրենների խորհրդի նոր կազմում

Քոչարյանը չի ընդգրկվի ԱՖԿ «Սիստեմայի» տնօրենների խորհրդի նոր կազմում

PanARMENIAN.Net - ՀՀ երկրորդ նախագահ Ռոբերտ Քոչարյանը չի վերընտրվի ԱՖԿ «Սիստեմա» տնօրենների խորհրդի կազմում, տեղեկացնում է Interfax-ը։

Քոչարյանը փետրվարի 3-8-ը Մոսկվայում մասնակցել է «ԱՖԿ Սիստեմա» ընկերության տնօրենների խորհրդի նիստին։

Պաշտոնը կթողնի նաև ԱՖԿ-ի նախկին ղեկավար Անդրեյ Դուբովսկովը։ Նրա և Քոչարյանի փոխարեն նոր թեկնածուներ են առաջադրվել։ ԱՖԿ տնօրենների խորհրդի մյուս անդամներին նախատեսվում է վերընտրել։

ԱՖԿ տնօրենների խորհրդի ընտրության հարցը քննարկվելու է ԱՖԿ-ի բաժնետերերի ընդհանուր տարեկան ժողովում, որ կայանալու է հունիսի 26-ին առցանց ձևաչափով։

Ռոբերտ Քոչարյանն ԱՖԿ «Սիստեմայի» անկախ տնօրեն էր 2009-ից։

Ռոբերտ Քոչարյանը մասնակցելու է հունիսի 20-ին կայանալիք խորհրդարանական արտահերթ ընտրություններին։ Նա գլխավորում է «Հայաստան» դաշինքը, որին անդամակցում են ՀՅԴ-ն և նորաստեղծ «Վերածնվող Հայաստան» կուսակցությունը։

 Ուշագրավ
Արայիկ Հարությունյանը հոկտեմբերի 1-ին ստորագրել է hրամանագիրը
Նա ասել է, որ ՌԴ-ն քիչ ջանք չի գործադրել հայ-ադրբեջանական սահմանին հրադադարի ռեժիմը վերականգնելու համար
Բոստոնի համալսարանում սովորելու հնարավորությունը խոստումնալից երիտասարդը ստորադասեց Հայրենիքի պաշտպանությանը