Փաշինյան․ Ադրբեջանին 2 առաջարկ ենք արել՝ Ադրբեջանի ԶՈւ հեռացում և գերիների վերադարձ26 մայիսի 2021 - 17:59 AMT PanARMENIAN.Net - Վարչապետի պաշտոնակատար Նիկոլ Փաշինյանը Ազգային ժողովում հայտարարել է, որ ադրբեջանական զորքերը միանշանակ պետք է դուրս բերվեն ՀՀ տարածքից և որ հայկական կողմը 2 առաջարկ է գրավոր ներկայացրել ստորագրվելիք փաստաթղթի մասով։ «Մենք առաջարկել ենք 2 տարբերակ: Դրանք ներկայացվել են դեռ այն ժամանակ, երբ այդ փաստաթուղթը չէր արտահոսել, 2 գրավոր առաջարկ՝ գերիների ամբողջական վերադարձի վերաբերյալ, ադրբեջանական զորքերի դուրսբերման, այն կոորդինատներով, որոնցից անդին պետք է լինեն: Մեր առաջարկին ոչ մի արձագանք չենք ստացել», - նշել է Փաշինյանը: Նա կրկնել է, որ առանց ՀՀ տարածքից ադրբեջանական զորքերի դուրսբերման հայկական կողմը որևէ փաստաթուղթ չի ստորագրի։ «Առաջարկվել է երկու տարբերակ՝ կամ զորքերը դուրս են բերվում, որից հետո տեղի է ունենում համաձայնեցված թղթի ստորագրումը, կամ ստորագրված թղթի մեջ հստակ ձևակերպվում է, թե քանի օրվա ընթացքում կամ ուր են դուրս գալիս Ադրբեջանի զորքերը»,- ասել է նա։ Վարչապետի պաշտոնակատարը որպես ագրեսիա է որակել Ադրբեջանի գործողությունները և հայտարարել է, որ Ադրբեջանը միայնակ չէր հանդգնի այսպիսի գործողություն իրականացել: «Կարծում եմ, որ ոմանց հետ նախապես համաձայնեցվել է ծրագիրը», - ասել է Փաշինյանը: «Բայց քանի որ կոնկրետություն չկա, այդ ուղղություններով պետք է աշխատենք։ Երբ ունենանք հիմնավոր տեղեկություն, որ այս-այս միջազգային սուբյեկտների հետ այս ծրագիրը համաձայնեցված է, նաև պետք է մեր ժողովրդին բաց ասենք։ Գուցե պետք է բաց հրապարակային ասենք վերջին 3, 4, 5, 8, գուցե 10 տարվա իրադարձությունների մասին»,-ասել է նա։ Մայիսի 12-ի առավոտյան Ադրբեջանի զինված ուժերը Սյունիքի մարզի Սև լիճ տեղանքում և հարակից տարածքում հատել են ՀՀ պետական սահմանը և խորացել մինչև 3․5 կիլոմետր։ Վարչապետի պաշտոնակատար Նիկոլ Փաշինյանը դա որակել է որպես դիվերսիոն անցում, նշել, որ իրավիճակը մերձճգնաժամային է, եթե ոչ ճգնաժամային, և հայտարարել, որ ՀՀ-ն չի կարող նման վիճակ հանդուրժել։ Մայիսի 13-ին ադրբեջանական զինված ուժերը, կրկին՝ «սահմանների ճշգրտման» հիմնավորմամբ, հերթական սադրանքն են իրականացրել Հայաստանի Հանրապետության ինքնիշխան տարածքի նկատմամբ՝ փորձելով դիրքային առաջխաղացում ապահովել Վարդենիսի և Սիսիանի սահմանային հատվածներում։ Բանակցություններն արդյունք չեն տվել։ՀՀ-ն պաշտոնապես դիմել է ՀԱՊԿ-ին, ինչպես նաև ռազմական աջակցություն խնդրել ՌԴ-ից։ Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Զախարովա․ ՌԴ–ն ՀՀ-ից հստակ արձագանքի է սպասում ԱՄՆ և ԵՄ հետ «ռազմաքաղաքական պայմանավորվածությունների մասին» Ըստ նրա, տեղեկություններ են հայտնվել, որ ապրիլի 5–ի հանդիպմանը ռազմաքաղաքական ոլորտին առնչվող պայմանավորվածություններ են ձեռք բերվել ՔՊ պատգամավորի հետ միջադեպից հետո ծեծի ենթարկված Վարդանյանը ճանաչվել է տուժող Իրականացվում է նախաքննություն Երևանի կոնյակի գործարանը սկսել է ստորագրել խաղողի գնման պայմանագրերը Յուրաքանչյուր 1 կգ-ի դիմաց կվճարվի 140 դրամ Վարդենիսում 13-ամյա աղջկա են բռնաբարել. Նրա վիճակը ծանր է Քննչական կոմիտեի մամուլի խոսնակ Գոռ Աբրահամյանը հայտնել է, որ նախաձեռնվել է քրեական վարույթ |