IRI․ Հայաստանցիների 71%-ը չի ուզում պատվաստվել Covid-19-ի դեմ

IRI․ Հայաստանցիների 71%-ը չի ուզում պատվաստվել Covid-19-ի դեմ

PanARMENIAN.Net - Հայաստանի բնակչության 71%-ը չի ցանկանում պատվաստվել կորոնավիրուսի դեմ, նույնիսկ եթե նման հնարավորություն լինի։ Այդ են վկայում Միջազգային հանրապետական ինստիտուտի (IRI) անցկացրած հարցման արդյունքները։

Որպես պատճառ հարցման մասնակիցները տարբեր փաստարկներ են բերել․ «ինձ մտահոգում է կողմնակի ազդեցությունը» (37%), «չեմ կարծում, որ ինձ դա պետք է» (25%), «ուզում եմ ավելին իմանալ, թե որքանով արդյունավետ են ազդում պատվաստանյութերը» (15%), «ինձ ընդհանրապես պատվաստումներ չեն անում» (13%)։

Հարցման մասնակիցների 3%-ը հայտարարել է, որ իրենց ընտրած պատվաստանյութը մատչելի չէ, իսկ 4% / 2%-ը դժվարացել է պատասխանել կամ հրաժարվել է դա անել։

Մայիսի 29-ի տվյալներով ՀՀ-ում վարակվածների ընդհանուր թիվը հասել է 222,555-ի, առողջացածների ընդհանուր թիվը 212,752 է, ընդհանուր առմամբ, կորոնավիրուսից մահվան 4428 դեպք կա, այլ պատճառով՝ 1079։

 Ուշագրավ
Նախատեսվում է ռազմավարական հեռանկարում աստիճանաբար անցում կատարել պրոֆեսիոնալ բանակի
Սահմանի մնացած հատվածներում իրադրությունը հարաբերական հանգիստ է։
Զինծառայողը եղել է դիրքի շրջակայքում, այդ պատճառով էլ սկզբում կարծել են, թե նա անհետ կորել է