Քոչարյան․Հայկական կողմը հնարավորություն ուներ չպարտվելու Ղարաբաղի պատերազմում15 հունիսի 2021 - 15:20 AMT PanARMENIAN.Net - ՀՀ երկրորդ նախագահ Ռոբերտ Քոչարյանը հայտարարել է, որ հայկական կողմը բացարձակ հնարավորություն ուներ չպարտվելու Ղարաբաղում, պատերազմը կարելի էր կանգնեցնել։ Այդ մասին նա ասել է ՌԻԱ Նովոստիին, Sputnik Արմենիային և RT-ին տված հարցազրույցում: «Այդպիսի հնարավորություններ մենք ունեինք։ Սա պարզապես պատերազմի անտաղանդ կառավարում էր: Իսկ պատերազմը դադարեցնելու առումով՝ եղել է Ռուսաստանի նախագահի նախաձեռնությունը: Եթե չեմ սխալվում, հոկտեմբերի 19-ին», - ասել է Քոչարյանը։ Ըստ նրա, հայկական կողմը, միանգամայն անհասկանալի պատճառներով, մերժել է այդ առաջարկը՝ պատճառաբանելով, թե վարչապետ Նիկոլ Փաշինյանին սխալ կհասկանան և դավաճան կանվանեն։ «Մենք ավելին կորցրեցինք, քան եթե այն ժամանակ համաձայնվեինք՝ նրան միևնույն է դավաճան են անվանում են և շատ ավելի մեծ ոգևորությամբ», - ասել է Քոչարյանը: Որպես ռազմական գործողություններում անհաջողության պատճառ Քոչարյանը նշել է «բուն Հայաստանում անտաղանդ կառավարումը, զորքերի անտաղանդ կառավարումը»: «Բացարձակ թերընկալում, թե ինչ է պատերազմը, ինչ է զորահավաքը, ինչ է մոբիլիզացիոն ռեսուրսի ձևավորումը, ինչ է բանակի համալրումը: Ցանկացած բանակ լայնամասշտաբ պատերազմի դեպքում միայն իր մարդկային ռեսուրսներով և ներուժով կարող է դիմակայել 1-1․5 շաբաթ: Այնուհետև պետությունն իր ամբողջ հզորությամբ գործի է անցնում, իրականացվում է մարդկանց մոբիլիզացիա, պահուստների պատրաստում, համալրում։ Այստեղ ձախողումը լիակատար էր», - ասել է Քոչարյանը: Ըստ նրա, իրար հաջորդեցին անհասկանալի որոշումները, «այնքան անհասկանալի, որ դա մեծ կասկածներ էր առաջացնում, թե արդյոք այստեղ չկան պայմանավորվածություններ կամ դավաճանություն, մի բան, որն արդեն դավադրության տեսությունների դաշտից է»: «Եվ այդ կասկածները մինչ օրս կան: Դրանք պարզապես պետք է ցրվեն ընտրություններից հետո մանրակրկիտ հետաքննությամբ: Բոլորովին անհասկանալի է, թե ինչպես է հանձնվել Շուշին, նույն Շուշիի պաշտպանության հետ կապված որոշ որոշումներ անհասկանալի են, պարզ չէ, թե ինչպես է հանձնվել Հադրութը, ինչպես ադրբեջանական զորքերը, գործնականում ոչ մի դիմադրության չհանդիպելով, Հադրութից պիկապներով հայտնվել են Շուշիի մատույցներում: Բոլորովին անհասկանալի մի պատմություն՝ այս հարցերի պատասխանները պետք է տրվեն», - ասել է նախկին նախագահը: Խորհրդարանական արտահերթ ընտրությունները կայանալու են հունիսի 20-ին։ Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում Ամենաընթերցվողը բաժնում | Կայծակը հարվածել է Աբու Դաբի-Երևան չվերթի օդանավին՝ ճաքել է պատուհաններից մեկը Օդանավում խուճապ է սկսվել, սակայն օդաչուների պրոֆեսիոնալիզմի շնորհիվ հաջողվել է անվնաս վայրէջք կատարել Fastex-ը, Ucraft-ը և Hoory-ն հովանավորել են Dօing Digital 2024 համաժողովը և հատուկ մրցանակների արժանացել Fastex web3 էկոհամակարգը ճանաչվել է լավագույնը բլոկչեյնի նորարարական կիրառման համատեքստում GRECO-ն ՀՀ-ին կոչ է արել ավելի ուժեղ վերահսկողություն սահմանել բարձրագույն գործադիր գործառույթների նկատմամբ Իշխանությունները GRECO-ին պետք է ներկայացնեն զեկույցում առկա 22 առաջարկությունների վերաբերյալ իրենց կատարողականը Սենատոր Փիթերս․ Ադրբեջանն էթնիկ զտում է իրականացրել Նա գլխավորում է Հայաստանի պաշտպանության ակտի՝ S.3000 բանաձևի միաձայն ընդունման նախաձեռնությունը |