Ժամը 17։00-ի դրությամբ քվեարկել է 38․17%-ը՝ ավելի քիչ, քան 2018-ին

PanARMENIAN.Net - Հունիսի 20-ի՝ ժամը 17։00-ի դրությամբ ՀՀ-ում քվեարկել է 989,972 ընտրող՝ 38․17 տոկոսը։ 2018 թվականին ժամը 17:00-ի դրությամբ ԱԺ արտահերթ ընտրությունների քվեարկությանը մասնակցել էր ընտրելու իրավունք ունեցող քաղաքացիների 39.54%-ը կամ 1,025 մլն ընտրող:

2017-ի ընտրություններին նույն ժամի դրությամբ ընտրելու իրավունք ունեցող 2,587 մլն քաղաքացուց քվեարկությանը մասնակցել էր 1,317 մլն ընտրող կամ 50.93%-ը:

Երևանում մասնակցությունը կազմել է 40․15%՝ 2018-ի 38%-ի դիմաց, Արագոծոտնում՝ 37․89%` 43.13 տոկոսի դիմաց, Արարատում՝ 37․5՝ 40.26 տոկոսի դիմաց, Արմավիրում՝ 31․82 (2018-ին` 34․99%), Գեղարքունիքում՝ 37․38% 2018-ի 42․39% դիմաց, Լոռիում՝ 37․38 (18-ին՝ 40.02%), Կոտայքում` 38․77%` 39․67% դիմաց, Շիրակում` 32.27%` 36․99% դիմաց, Տավուշում՝ 41․37%` 44.4% դիմաց, Վայոց Ձորում և Սյունիքում՝ 42․66% ու 46․83%` 2018-ի 46․46% դիմաց։