Կանադան ՀՀ ժողովրդավարության աջակցելու համար բանագնաց է նշանակել26 հունիսի 2021 - 13:02 AMT PanARMENIAN.Net - Կանադայի արտաքին գործերի նախարար Մարկ Գառնոն հայտարարել է, որ Գերմանիայում Կանադայի դեսպան և Եվրոպական Միությունում ու Եվրոպայում հատուկ բանագնաց Ստեֆան Դիոնը առաքելություն կստանձնի ուսումնասիրելու Կանադայի հնարավորությունները՝ Հայաստանի ժողովրդավարությանն ավելի լավ աջակցելու համար, տեղեկացնում է «Սիվիլնեթը»: «Հենվելով վերջին տարիների համատեղ աշխատանքի և մեր երկրների միջև մարդկային վաղեմի կապերի վրա՝ Կանադան հավատարիմ է Հայաստանի հետ համագործակցությանը՝ նրա հետագա ժողովրդավարական առաջընթացի համար, ինչը վճռորոշ նշանակություն ունի ոչ միայն հայ հասարակության, այլև տարածաշրջանի համար։ Հատուկ բանագնաց Դիոնը կուսումնասիրի տարբերակները, թե ինչպես Կանադան կարող է խրախուսել Հայաստանի քաղաքացիական հասարակության ընթացիկ ջանքերը, ամրապնդել ժողովրդավարական ինստիտուտները, ընդլայնել Հայաստանի փոխգործակցությունը բազմակողմ ինստիտուտների հետ և նպաստել ներառական տնտեսական աճին: Նպատակն այն է, որ այս առաքելության արդյունքում կանադական հասարակության աջակցությունը՝ ի շահ հայկական ժողովրդավարության, էապես ամրապնդվի»,- ասվում է Կանադայի ԱԳՆ հայտարարությունում։ Ըստ Կանադայի ԱԳՆ-ի՝ Ստեֆան Դիոնի աշխատանքը կտևի մի քանի ամիս և կներառի վիրտուալ խորհրդատվություններ Կանադայի մի շարք շահագրգիռ կողմերի և Հայաստանի գործընկերների հետ: Covid-19-ի պայմաններում ուղևորության կարելիության դեպքում՝ նա նաև կայցելի Հայաստան՝ հանդիպելու ՀՀ կառավարության և առանցքային գերատեսչությունների բարձրաստիճան անդամներին, ինչպես նաև գործընկեր դեսպանություններին, քաղաքացիական հասարակության խմբերին, միջազգային կազմակերպություններին, մասնավոր հատվածի ներկայացուցիչներին և տեղական լրատվամիջոցներին: Նա կհանդիպի նաև խորհրդարանի անդամների և Կանադայի կողմից ֆինանսավորվող խորհրդարանական կենտրոնի նախագծին մասնակցող պետական ծառայողների հետ: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |