Քերոբյանն ԱԺ-ում ներկայացրել է պղնձի խտանյութի արտահանման լիցենզիոն տուրք սահմանելու օրինագիծը15 հուլիսի 2021 - 13:50 AMT PanARMENIAN.Net - Ազգային ժողովի արտահերթ նիստում քննարկվել է «Պետական տուրքի մասին» օրենքում փոփոխություններ և լրացումներ կատարելու մասին նախագիծը, որով նախատեսվում է արտահանման լիցենզիոն տուրք սահմանել պղնձի, մոլիբդենիխտանյութի համար՝ ներկայիս գնի 15%-ի չափով: Նախագիծն ԱԺ-ում ներկայացրել է Էկոնոմիկայի նախարարի պաշտոնակատար Վահան Քերոբյանը։ Արձագանքելով իմքայլական Սիսակ Գաբրիելյանի դիտարկանը, թե նախընտրական շրջանում շատ էր խոսվում ԶՊՄԿ-ն ազգայնացնելու մասին՝ ուստի կարելի՞ է ասել, որ բուն ընկերությունը չի ազգայնացվում, բայց հաշվի առնելով տուրքի ծավալը, ավելի է ազգայնացնում ՀՀ ընդերքը՝ Քերոբյանն ասել է, որ օրենքը չի ընդունվում մեկ տնտեսվարողի համար կամ հանդեպ։ «Այս օրենքով առաջիկա 6 ամսում պետբյուջե կմուտքագրվի մոտավորապես 35 մլրդ դրամ։ Այդ գումարը շատ անհրաժեշտ է բյուջեին։ Մեր առջև կանգնած խնդիրներն այնպիսին են, մեր նախընտրական ծրագրի խոստումներն այնպիսին են, որ կենսական անհրաժեշտություն կա ընդերքի նկատմամբ վերաբերմունքը փոխելու և ստացած եկամուտը հավասարաչափ բաշխելու տնտեսվարողների և ՀՀ քաղաքացիների միջև»,-ասել է նա։ Անդրադառնալով հարցին, թե ինչ կլինի, եթե պղնձի գները նվազեն՝ Քերոբյանն ասել է՝ մոտ ապագայում «պղնձի գնանկում չի նախատեսվում»։ «Բայց եթե նույնիսկ անկում լինի, կուտակված գերշահույթն այնքան է, որ իրենք այս 6 ամսում, որը նախատեսված է այս ժամանակավոր միջոցի կիրառման համար, միևնույն է, կունենան բավարար չափով եկամտաբերություն»,-ասել է նա: Զանգեզուրի պղնձամոլիբդենային կոմբինատը ՀՀ 5 խոշոր հարկատուներից է: Հուլիսի 14-ին հայտնի դարձավ, որ Զանգեզուրի պղնձամոլիբդենային կոմբինատ ելք ու մուտքը չի թույլատրվում։ Ըստ հրապարակումների՝ կոմբինատում է «Ալֆա» ջոկատը, կան ձերբակալվածներ։ Հուլիսի 13-ին «Հայաստան» դաշինքի անդամ Վահե Հակոբյանն ասել էր, որ իշխանությունն արդեն ավելի քան 12 օր է Զանգեզուրի պղնձամոլիբդենային կոմբինատին թույլ չի տալիս խտանյութ արտահանել։ Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Վրացի խորհրդարանականներն այցելել են Ծիծեռնակաբերդ Հյուրերը ծաղիկներ են խոնարհել Հայոց ցեղասպանության զոհերի հիշատակը հավերժացնող անմար կրակի մոտ Գաբրիելյանը և Միքանաձեն կրթական ոլորտում գործակցության համատեղ հայտարարություն են ստորագրել Փաստաթուղթն ինստիտուցիոնալ հենքի վրա կդնի երկու հանձնաժողովների գործունեությունը Ադրբեջանի ՄԻՊ–ն այցելել է Ստեփանակերտում մնացած հայերին՝ խոցելի խմբերի համար կացարանում Շահրամանյանն ասել է, որ Արցախում շարունակում է մնալ 10-11 մարդ ՀՀ-ից Գազա մարդասիրական օգնություն տանող ինքնաթիռը հասել է Եգիպտոս Օգնությունը ներառում է սնունդ, դեղորայք և բժշկական պարագաներ |