Օգոստոսի 3-ին հայաստանցի 3 մարզիկ կպայքարի օլիմպիական մեդալների, որոնցից 2-ը՝ ոսկու համար

Օգոստոսի 3-ին հայաստանցի 3 մարզիկ կպայքարի օլիմպիական մեդալների, որոնցից 2-ը՝ ոսկու համար

PanARMENIAN.Net - Օգոստոսի 3-ին հայաստանցի 3 մարզիկ կպայքարի օլիմպիական մեդալների համար։

Եզրափակիչ դուրս եկած հունահռոմեական ոճի ըմբիշ Արթուր Ալեքսանյանը ոսկու համար պայքարելու է ՌԴ-ն ներկայացնող Մուսա Եվլոևի հետ։ Մենամարտը նախատեսված է Երևանի ժամանակով 15:20-ին:

Հայ ըմբիշը վնասվածք է ստացել կիսաեզրափակիչ գոտեմարտում։

Ծանրամարտիկ Սիմոն Մարտիրոսյանը ևս կպայքարի օլիմպիական ոսկու համար՝ ի թիվս 9 այլ ծանրորդի։ Նա հաղթողի հիմնական հավակնորդներից է համարվում։ Մեկնարկը կտրվի 14։50-ին։

Իսկ հունահռոմեական ոճի ըմբշամարտիկ Կարապետ Չալյանը 16։00-ին կպայքարի 3-րդ տեղի համար: Նա մենամարտելու է Ադրբեջանի ներկայացուցչի հետ։

Բռնցքամարտիկ Հովհաննես Բաչկովը Տոկիոյի Օլիմպիադայի քառորդ եզրափակչում հաղթել է Ուզբեկստանը ներկայացնող Էլնուր Աբդուռահիմովին և դուրս եկել կիսաեզրափակիչ։ Դա նշանակում է, որ Բաչկովն Օլիմպիադայի առնվազն բրոնզե մեդալակիր կլինի։

 Ուշագրավ
«Ես հավաքականի ընտրության հարցում որոշում կկայացնեմ այն ժամանակ, երբ դրա հնարավորությունը լինի»,-ասել է նա
Մխիթարյանով հետաքրքրված են նաև «Կրասնոդարում»
Առաջնությունը կանցկացվի դեկտեմբերի 7-17-ը
Այսպիսով Հայաստանը Տոկիոյում 4 մեդալ է նվաճել՝ 2 արծաթ և 2 բրոնզ
---