Երևանի պետական համալսարանում կներկայացնեն ռեկտորի նոր ժամանակավոր պաշտոնակատարին, որի անունը գաղտնի է պահվում։ Այդ մասին ֆեյսբուքյան իր էջում տեղեկացրել է ԵՊՀ մամուլի խոսնակ Գևորգ Էմին-Տերյանը։
Նոր ԺՊ-ին ԵՊՀ գիտխորհրդի դահլիճում ժամը 13.00-ին համալսարանականներին ներկայացնելու է ԿԳՄՍ նախարար Վահրամ Դումանյանը։
2019-ի մայիսից ԵՊՀ-ն ռեկտոր չունի, պարտականությունները կատարում էր ժամանակավոր պաշտոնակատար Գեղամ Գևորգյանը, որը հրաժարական է տվել 2021-ի ապրիլին։
2019-ի մայիսին հրաժարական էր տվել ԵՊՀ ռեկտոր Արամ Սիմոնյանը: Նույն ամսում հոգաբարձուների խորհրդի նիստում ռեկտորի ժամանակավոր պաշտոնակատար էր ընտրվել համալսարանի նախկին պրոռեկտոր Գեղամ Գևորգյանը: Նա ԵՊՀ գիտական քաղաքականության և միջազգային գործակցության գծով պրոռեկտոր էր 2008-ից: