Արոնյանը 4-րդ տեղն է զբաղեցրել Chessable Masters առցանց մրցաշարում

Արոնյանը 4-րդ տեղն է զբաղեցրել Chessable Masters առցանց մրցաշարում

PanARMENIAN.Net - Հայ գրոսմայստեր Լևոն Արոնյանը 4-րդ տեղն է զբաղեցրել Grand Chess Tour շարքի Chessable Masters առցանց մրցաշարում:

Երրորդ տեղի համար խաղում Արոնյանը պարտվել է ռուս շախմատիստ Վլադիսլավ Արտեմևին (2:2 և 0․5:2․5):

Մինչ այդ Chessable Masters-ի կիսաեզրափակչում Արոնյանը զիջել էր վիետնամցի գրոսմայստեր Լե Կուանգ Լյեմին (1:3, 2,5:1,5 և 1:2), իսկ քառորդ եզրափակիչում հաղթել ադրբեջանցի Շաքրիյար Մամեդյարովին (2․5:0․5 և 2: 1):

Շրջանաձև ընտրության ժամանակ հայ շախմատիստը 15-ից 10,5 միավորով գրավել է երկրորդ տեղը, գրում է Sputnik Արմենիան:

Մրցումն անցկացվել է արագ շախմատի կանոններով (15 րոպե՝ յուրաքանչյուր քայլի համար 10 վայրկյան հավելումով)։

100,000 դոլար մրցանակային ֆոնդով մրցաշարն անցկացվում էր երկու փուլով։ Առաջին տուրում կայացել է շրջանային մրցաշար, որի արդյունքում 8 լավագույնները որոշել են նոկաուտ համակարգով հաղթողին:

 Ուշագրավ
Այսպիսով Հայաստանը Տոկիոյում 4 մեդալ է նվաճել՝ 2 արծաթ և 2 բրոնզ
29-ամյա մարզիկը հավաքել է 14․733 միավոր
Եզրափակչում Ալեքսանյանի մրցակիցը կլինի ՌԴ-ն ներկայացնող Մուսա Եվլոևը
Նա միակ մասնակիցն էր ՀՀ-ից ձյուդոյի մրցաշարում