Քոչարյան. ՌԴ-ում ՀՀ սահմանների հետ կապված հարցերի քննարկմանը նաև ադրբեջանցի զինպաշտոնյա է մասնակցում

Քոչարյան. ՌԴ-ում ՀՀ սահմանների հետ կապված հարցերի քննարկմանը նաև  ադրբեջանցի զինպաշտոնյա է մասնակցում

PanARMENIAN.Net - ԱԺ պաշտպանության և անվտանգության հարցերի մշտական հանձնաժողովի նախագահի թեկնածու, «Քաղաքացիական պայմանագրի» անդամ Անդրանիկ Քոչարյանը, պատասխանելով Մոսկվայում բանակցությունների մասին հարցին, ասել է, որ ՌԴ-ում քննարկվում են ՀՀ սահմանների հետ կապված հարցեր, որին մասնակցում է նաև ադրբեջանցի «որևէ զինվորական պաշտոնյա, գուցե` բարձրաստիճան»։

Մոսկվայում ընթացող բանակցությունների մասին հարցը տվել է «Հայաստան» խմբակցության պատգամավոր Աննա Գրիգորյանը։

Քոչարյանը հավելել է, որ ոչ ոք ԱԺ հետևում բանակցային գործընթաց չի կարող տանել և որ ՀՀ սահմաններին առնչվող քննարկումների արդյունքը չի կարող լինել ի վնաս Հայաստանի։

«Վերջին հաշվով դա քննարկվելու է նաև խորհրդարանում, եթե կարիքը լինի»,– ասել է պատգամավորը։

Անդրադառնալով ստեղծված իրավիճակին՝ Քոչարյանն ասել է, որ պետք է գնահատել այն իրողությունը, որ եղել է պատերազմ, Հայաստանը պարտվել է, կորցրել է անվտագային գործիքակազմի զգալի մասը, ինչը վերաբերում է ինչպես ԶՈւ անձնակազմին, այնպես էլ սպառազինությանը։

Նա հավելել է, որ այն, թե ինչ արագությամբ ու միջավայրում կվերականգնենք այդ ամենը, կախված է բոլորի աշխատանքից՝ նշելով, որ իրավիճակով պայմանավորված կառուցվածքային, կադրային փոփոխություններ են կատարվում։

Ավելի վաղ հրապարակված ՊՆ հաղորդագրության մեջ ասվում էր, որ Մոսկվայում նախատեսվող բանակցություններից առաջ հակառակորդը նախահարձակ մարտական գործողություններ է սկսել ՀՀ սահմանների վրա` Սոթքից մինչև Վերին Շորժա։

 Ուշագրավ
Նա հավելել է, որ ՀՀ-ն իրավունք է վերապահում խնդիրը լուծել ուժի կիրառմամբ
Նշվում է, որ իրադրության հետագա սրման ամբողջ պատասխանատվությունն ընկնում է Ադրբեջանի ղեկավարության վրա
«ԿԸՀ-ն այս շաբաթ մանդատները գրանցելու արձանագրությունը կկազմի»,-ասել է ԿԸՀ քարտուղարը