«Կապիտուլյանտ Նիկոլ» խոսքերի համար Աննա Մկրտչյանը հեռացվել է ԱԺ դահլիճից 11 օգոստոսի 2021 - 12:42 AMT PanARMENIAN.Net - «Պատիվ ունեմ» խմբակցության պատգամավոր Աննա Մկրտչյանը հեռացվել է ԱԺ նիստերի դահլիճից «կապիտուլյանտ Նիկոլ» արտահայտությունը կրկին հնչեցնելու համար։ Մկրտչյանը ելույթ է ունեցել Արտաքին հարաբերությունների մշտական հանձնաժողովի նախագահի ընտրության հարցի քննարկման ժամանակ: Նրա խոսափողն անջատվել է։ ԱԺ նախագահ Ալեն Սիմոնյանն ասել է, որ նա լքի նիստերի դահլիճը, հակառակ դեպքում անվտանգության աշխատակիցներ կհրավիրվեն։ «Մշտական հանձնաժողովներ կլինեն, թե չեն լինի, ով կնախագահի՝ միևնույն է, այս ամենաթողության վիճակը շարունակվելու է, քանի որ այս իրավիճակի հեղինակը Հայաստանն ու Արցախը ավերած կապիտուլյանտ Նիկոլն է»: Սիմոնյանը կարգադրել է, որ խոսափողն անջատվի և ասել, որ նախազգուշացրել էր Մկրտչյանին։ «Հեռացնում եմ ձեզ նիստերից մինչև օրվա ավարտը, դուրս եկեք դահլիճից»,-ասել է Սիմոնյանը։ Պատգամավորը հեռացել է նիստերի դահլիճից։ Ավելի ուշ ԱԺ նախագահ Ալեն Սիմոնյանը զրկեց խոսքի իրավունքից նաև «Քաղաքացիական պայմանագիր» խմբակցության անդամ Արփի Դավոյանին ՀՀԿ նախագահ, ՀՀ երրորդ նախագահ Սերժ Սարգսյանին «մերժված» անվանելու համար։ Դավոյանը զրկվել է մեկ նիստի ընթացքում խոսելու իրավունքից։ Օգոստոսի 6-ին ԱԺ-ում Արցախի հարցով մշտական հանձնաժողովի ձևավորման հարցի քննարկման ժամանակ «Պատիվ ունեմ» խմբակցության պատգամավոր Աննա Մկրտչյանին զրկել էին ելույթի իրավունքից «ձեր Նիկոլը» և «կապիտուլյանտ» արտահայտությունների համար: ԱԺ նախագահ Ալեն Սիմոնյանը կարգապահական տույժ էր կիրառել նրա նկատմամբ։ Նրա խոսափողն անջատել էին։Ավելի ուշ Մկրտչյանը լրագրողներին ասել է, որ ԱԺ կանոնակարգ սահմանադրական օրենքն ԱԺ պատգամավորին նկատողություն անել արտահայտություն ընդհանրապես չի պարունակում։   Ուշագրավ Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Դեսպանը նաև հրապարակել է Politico-ի հոդվածը «Thales» ընկերության ֆրանսիական ռադարների մասին Այն ենթադրում է տարբեր տեսակի աջակցություններ պետություններին՝ տեխնիկական, ոչ մահաբեր զինատեսակների տրամադրում   Ամենաընթերցվողը բաժնում |  Վերջին լուրեր Երևանում կբացվի քանդակագործ Մկրտիչ Մազմանյանի ցուցահանդեսը՝ նվիրված Ազնավուրին  Բացման օրը տեղի կունենա նաև քանդակագործի աշխատանքներին ու ստեղծագործական կյանքին նվիրված գրքի շնորհանդեսըՄանկապարտեզներում երկարօրյա ծառայությունը կգործի անգամ 1 երեխայի համար Մանկապարտեզներում կան նաև կրթական լրացուցիչ վճարովի ծառայություններՏաթևի վանքի շրջակայքում պտղատու այգի է հիմնվում՝ ի զորակցություն Ռուբեն Վարդանյանի և գերեվարված հայրենակիցների Ծրագրին կարող են մասնակցել բոլորը՝ այցելելով գործակալության կայք և ձեռք բերել անվանական ծառ` սեղմելով «Տնկել ծառ» կոճակըՀամազեկուցող․ ԵԽԽՎ վերադառնալու համար Բաքուն պետք է մի շարք պահանջներ կատարի Ադրբեջանը նաև պետք է իր պարտավորությունները կատարի մարդու իրավունքների ոլորտում |
