Կարապետյան․ Մեզանից բացի ոչ ոք չի պաշտպանի մեր երկիրը

Կարապետյան․ Մեզանից բացի ոչ ոք չի պաշտպանի մեր երկիրը

PanARMENIAN.Net - Պաշտպանության նախարար Արշակ Կարապետյանը եռամսյա հավաքների մասնակիցների հետ հանդիպմանը հայտարարել է, որ մեզանից բացի ոչ ոք չի պաշտպանի մեր երկիրը և կոչ արել վերապատրաստման գործընթացն առավել արդյունավետ իրականացնել։

«Անհրաժեշտության դեպքում պետք է կարողանանք պաշտպանել մեր երկիրը։ Բացի մեզանից, ոչ ոք չի պաշտպանի, մնացածը լավագույն դեպքում օգնող են։ Մեր երկրի պաշտպանները մենք ենք»,- ասել է նա։

ՊՆ ղեկավարը «Զինուժ մեդիայի» եթերում նշել է, որ ՀՀ զինված ուժերը սահմանների անվտանգության երաշխավորներն են և նրանց մարտական պատրաստությունից է կախված երկրի ապագան:

Պաշտպանության նախարարը հետևել է մարզումների ընթացքին։

2021 թվականի օգոստոսի 25-ից մինչև նոյեմբերի 25-ը հայտարարված է պահեստազորի առաջին խմբի առաջին կարգում հաշվառված շարքային, ենթասպայական և սպայական կազմերի պահեստազորայինների եռամսյա վարժական հավաքներ:

Եռամսյա հավաքին ներգրավվել է ընդհանուր 2169 քաղաքացի, որոնցից 1164-ը՝ շարքային կազմի, 254-ը` ենթասպայական կազմի, 751-ը` սպայական կազմի պահեստազորայիններ՝ մոտոհրաձգային, հրթիռահրետանային, կապի, հետախուզական, ինժեներական մասնագիտություններով:

 Ուշագրավ
Նախատեսվում է ռազմավարական հեռանկարում աստիճանաբար անցում կատարել պրոֆեսիոնալ բանակի
Սահմանի մնացած հատվածներում իրադրությունը հարաբերական հանգիստ է։
Զինծառայողը եղել է դիրքի շրջակայքում, այդ պատճառով էլ սկզբում կարծել են, թե նա անհետ կորել է